İlham Əliyevlə Nikol Paşinyanın üçsaatlıq görüşü mətbuata açıqlama verilmədən başa çatıb (YENİLƏNİB)

Bakı/29.03.19/Turan: Azərbaycan prezidenti İlham Əliyevlə Ermənistanın baş naziri Nikol Paşinyanın Vyana görüşü Bakı vaxtı ilə saat 18:00-da başa çatıb.

Tərəflər mətbuata açıqlama vermədən "Bristol" otelini tərk ediblər.

XİN rəhbərləri və ATƏT-in Minsk Qrupunun həmsədrləri də hələlik görüşün yekunlarını şərh etməyiblər.02D-

* * *

2019 Mart 29 (Cümə) 18:12:58

İlham Əliyevlə Nikol Paşinyan təkbətək görüşdən sonra söhbəti XİN rəhbərləri və ATƏT-in Minsk Qrupu ilə davam etdiriblər

Bakı/29.03.19/Turan: Azərbaycan prezidenti İlham Əliyevlə Ermənistanın baş naziri Nikol Paşinyanın bugünkü təkbətək söhbəti iki saata yaxın davam edib.

Bundan sonra ATƏT-in Minsk Qrupunun həmsədrləri və iki ölkənin XİN rəhbərləri söhbətə qoşulublar. Bu barədə "Azadlıq" radiosu Bakı vaxtı ilə saat 17:30-da məlumat yayıb.

Xatırladaq ki, görüş Vyanada "Bristol" otelində keçirilir. Görüş saat 14:00-da İ.Əliyev və N.Paşinyan, həmçinin həmsədrlər və XİN rəhbərlərinin iştirakı ilə başlayıb. Bir qədər sonra görüş təkbətək davam edib. -02D-