Bakı/06.12.19/Turan: Dövlət başçısı İlham Əliyev və xanımı Mehriban Əliyeva dekabrın 5-6-da Şamaxıda olublar. Səfər zamanı rayonda təmir edilmiş yolun bir hissəsi, eyni zamanda ASAN Mərkəzi açılıb.
Sonra İ.Əliyev Şamaxıda son zəlzələdən zərər çəkmiş ailələr üçün tikilmiş 44 mənzilli binaya baş çəkib.
Bu gün prezident İ.Əliyev və birinci xanım M.Əliyeva ölkə boyunca bir gündə 650 min ağac əkmək aksiyası çərçivəsində ağacəkmədə iştirak ediblər.
Sonra dövlət başçısı rayonda bir sıra tarixi abidələrin abadlaşdırılması işləri ilə tanış olub. Əliyevlər dahi şair Nəsiminin qardaşının dəfn olunduğu “Şahxəndan” türbəsini ziyarət ediblər.
Yerli mənbələrin məlumatına görə, Şamaxı rayonuna belə ciddi diqqət onunla əlaqədardır ki, dövlət başçısının ailə üzvlərindən biri buradan parlamentə namizədliyini irəli sürəcək. Lakin bu fikrin rəsmi təsdiqini almaq mümkün olmayıb.-02B-
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz