Bakı/06.12.19/Turan: Ötən gün Ermənistan İstintaq Xidməti keçmiş prezident Serj Sarkisyana qarşı cinayət təqibinə başlayıb. “Azadlıq” radiosunun məlumatına görə, o, dindirməyə çağırılıb və ondan ölkədən çıxmamaq haqda iltizam alınıb.
Ermənistanın keçmiş prezidenti 1 milyon dollardan çox vəsaitin oğurlanmasının təşkilində ittiham olunur. Ancaq S.Sarkisyan iddiaları siyasi hesab edərək rədd edir.
Ermənistan KİV-in məlumatına görə, 2013-cü ildə dizel yanacağının tədarükü üzrə tender zamanı S.Sarkisyan “Flash” şirkətinin qalib kimi tanınmasına göstəriş verib. Halbuki, başqa bir şirkət daha aşağı qiymət təklif edib.
Hakimiyyətin bu şirkəti seçməsinin səbəbi “Flash”in sahibi Barseq Beqlaryanın S. Sarkisyanın yaxın dostu olmasıdır. Ölkə büdcəsi üçün zərər 1 milyon dollardan çox olub.
S.Sarkisyan günahkar bilinərsə, 8 ilə qədər həbs cəzası ala bilər.
Xatırladaq ki, bundan öncə mənimsəmə ittihamı ilə Sarkisyanın iki qardaşına və qardaşı oğluna cinayət işi qaldırılıb. Qardaşlardan biri istintaqdan yayınıb, ikincisi vəsaiti ödəyib, qardaşı oğlu isə həbsdədir. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz