İlqar Məmmədov AŞPA məruzəçisinin bəyanatını alqışlayıb (yenilənib)

Bakı/14.01.20/Turan:  Respublikaçı Alternativ Partiyasının lideri İlqar Məmmədov AŞPA məruzəçisinin bəyanatını dəstəklədiyini bildirib.

“Biz bu bəyanatı dəstəkləyirik. Bizi seçkilərə buraxmamaq hakimiyyətin nüfuzunu daha da azaltdı. Mənim və bir sıra digər fəalların seçkilərə buraxılmamasına baxmayaraq, “Real respublikaçılar” bloku seçkilərdə iştirakını davam etdirəcək”, - İ.Məmmədov  deyib.

*   *   *

2020 Yanvar 14 (Çərşənbə axşamı) 20:47:21

AŞPA  məruzəçisi seçkilərə münasibət bildirdi

Bakı/14.01.20/Turan:  Avropa Şurasının Siyasi məhbuslar üzrə xüsusi məruzəçisi Thorhildur Sunna Evarsdottir ReAl Partiyasının sədri İlqar Məmmədovu və digər bəzi namizədləri fevralın 9-da Milli Məclisə seçkilərinə buraxılmaması ilə bağlı açıqlama verib. 

Avropa Şurasının saytında dərc edilmiş məruzəçinin sözlərinə görə, Avropa Şurasının Nazirlər Komitəsi keçən ilin dekabrın əvvəlində Azərbaycanı Avropa Məhkəməsinin qərarını icra etməyi və İlqar Məmmədovun və digər keçmiş siyasi məhbusların palament seçkilərində namizəd olmaq imkanı təmin etməyə çağırmışdı. "Azərbaycanın bu öhdəliyin icra etməməsi Avropa Məhkəməsinin və Nazirlər Komitəsinin nüfuzuna hörmətsizliyini və qanun aliliyini saymazlığını göstərir. Həqiqi müxalifəti seçki prosesindən kənarda qoyaraq indiki rejim getdikcə öz qeyri-demokratik təbiətini açır. Bu yeni imtina hədsiz ciddi hüquqi və siyasi böhran yaradır. İndi Nazirlər Komitəsi öz atdığı növbəti addımlar barədə düşünməlidir".

ReAl sədri İlqar Məmmədov Thorhildur Sunna Evarsdottirin açıqlamasını tam dəstəklədiyini bildirib. "Biz bu açıqlamanı tam dəstəkləyirik. Bizi seçkilərə buraxılmaması hakimiyyətin nüfuzunu daha da endirdi. Məni və bir neçə üzvümüzü namizəd kimi qeydə alınmamasına baxmayaraq, biz Cümhuriyyətçilər Bloku olaraq seçkilərdə iştirakımızı davam etdirəcəyik", - deyə Məmmədov bildirdi. -0-