Bakı/13.08.18/Turan: "Bu, tam qələbə deyil, qisməndir. Bu, respublikaçıların tərəfdarlarının - gənclərin, yaşlıların və Azərbaycandakı bütün fəalların səyləri, mənə göstərdikləri dəstəyin sayəsində mümkün oldu". Bunu 5,5 il həbs cəzasından sonra bu gün azadlığa çıxan İlqar Məmmədov onu evinin yanında qarşılayan tərəfdarlarına və jurnalistlərə deyib.
O həmçinin öz tərəfdarlarını Azərbaycan Xalq Cümhuriyyətinin 100 illiyi münasibətilə təbrik edib və deyib ki, 28 May Cümhuriyyət Gününü İstiqlal küçəsində nümayiş ilə qeyd edə biliblər.
İ.Məmmədov deyib ki, "respublikaçılıq dəyərlərinin reallaşması üçün siyasi fəaliyyətini daha böyük güc ilə davam etdirəcək".
O, dəstəyə görə ölkənin demokratik qüvvələrinə, həmçinin beynəlxalq təşkilatlara təşəkkürünü bildirib.
İ.Məmmədov deyib ki, yaxın vaxtlarda mətbuat konfransı keçirəcək. Ancaq ilk növbədə tibbi müayinədən keçmək istəyir.
"Ona görə yox ki, səhhətimdə problemlər var, sadəcə, hakimiyyətdən hər şey gözləmək olar", - o deyib.
İ.Məmmədov məhkəmə prosesi ilə bağlı sualın cavabında deyib ki, cümə günü onu buraxmadılar, çünki Şəkiyə çox adam gəldi. Belə vəziyyətdə "onu buraxa bilməzdilər".-C06---
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz