Bakı/25.06.18/Turan: 24 aprel prezident seçkilərində pozuntular olub, amma pozuntuların miqyası MSK-nın elan etdiyi nəticələrə təsir etmir. Bu barədə müxalif namizəd Muharrem İnce bugünki mətbuat konfransında bildirib.
Rəsmi məlumatlara görə, İnce səslərin 30%-dən bir qədər çoxunu qazanaraq, ikinci yeri tutub. O, səsvermənin rəsmi nəticələrini və onların öz nümayəndələrinin əlində olan protokollarla müqayisəsini gözləyərək, seçkiləri qiymətləndirməkdən yayınıb.
İnce qeyd edib ki, digər müxalif namizədlər də 8-9% deyil, bir qədər çox səs yığsaydı, ikinci mərhələ ehtimalı güclənərdi.
Bununla belə, o qeyd edib ki, Türkiyədə prezident seçkilərindən sonra qüvvəyə minən yeni prezident idarəetmə sistemi ölkəni demokratiyadan uzaqlaşdırır.
"Amma biz ölkəmizin gələcəyi üçün mübarizəni davam etdirəcəyik", deyə İnce bildirib.
İnce qeyd edib ki, son 40 ildə ilk dəfə təmsil etdiyi Respublikaçı Xalq Partiyası 30%-dən çox seçicinin dəstəyini qazanıb.
İnce bildirib ki, siyasətdən getmək niyyəti yoxdur. "15 milyon seçici səsi qazanan insan siyasətdən gedər?", deyə İnce qeyd edib. -06D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz