• contact.az Contact
  • Bakı
  • Light snow2.30 C
  • Şənbə, 8 Fevral 2025
    • flag_EN
    • flag_RU

Son yenilənmə

(7 d. əvvəl)
İnsan hüquqlarından Bakıya təzyiq aləti kimi istifadə olunur
A- A A+
EN RU
Turan İnformasiya Agentliyi
Turan İnformasiya Agentliyi

İnsan hüquqlarından Bakıya təzyiq aləti kimi istifadə olunur

Milli Məclisin dörd deputatı – Səməd Seyidov, Sevinc Fətəliyeva, Sahibə Cəfərova və Demokratik İslahatlar Partiyasından Asim Mollazadə cümə axşamı Vaşinqtonda olublar. 

 
  Onlar Con Hopkins İnstitutunda lobbiçilər və ekspertlər qarşısında çıxış edərək Azərbaycanın qarşısında duran məsələlərdən danışıblar. 
  Xarici siyasətdən danışan S.Seyidov və A.Mollazadə bildiriblər ki, Azərbaycan tam müstəqildir və öz siyasi kursunu yürüdür ki, “digərləri bunu yeterincə anlamır”.
 
 “Ölkəyə təhlükə “şimaldan və cənubdan” gəlir deyən S.Seyidov bildirib ki, Azərbaycanın ABŞ ilə yaxın olmaq cəhdlərinə görə” onu sendviç kimi əzirlər. 
 
  “Əsasən insan hüquqları mövzusundan ölkəmizə təzyiq aləti kimi istifadə olunur.   “Mənim prezidentim təzyiq altındadır və biz seçki ilində xarici təsiri görürük”, - öz növbəsində A.Mollazadə vurğulayıb.
 
  Daxili problemlərə toxunan deputatlar bildiriblər ki, Azərbaycan azad media və güclü vətəndaş cəmiyyəti qurur.  Bakıda keçirilən son mitinqlər polis tərəfindən ona görə dağıdılıb ki, meriya onlara icazə verməyib. Bunu S.Seyidov deyib.  Avropa Şurasının Azərbaycanda siyasi məhbuslar barədə bu yaxınlardakı hesabatından danışan S.Seyidov əlavə edib ki, sənəd layihəsi “uğursuz olub”, çünki “ABŞ-ın və İsrailin Bakıdakı səfirliklərini partlatmağı planlaşdıran adamların adları ora daxil edilib.
 
  A.Mollazadə bu məsələdə S.Seyidovla razı olduğunu bəyan edib. Qeyd edək ki, o, müxalifəti təmsil edir.  O həmçinin deyib ki, qadınlar da daxil olmaqla, siyasətə yeni nəslin gəlməsinin vaxtı çatıb.
 
  Deputatlar korrupsiya mövzusuna da toxunublar. Onlar bu problemin olduğunu etiraf edərək bildirblər ki, “korrupsiyaya qarşı mübarizə hökumətin prioritetidir”.-25C-

Rəy yaz

Siyasət

Bizi sosial şəbəkələrdə izləyin

Xəbər lenti