Paris/18.10.17/Turan: Niderlandda mühacirətdə yaşayan Azərbaycan əsilli jurnalist Fikrət Hüseynli bu ay İnterpolun sorğusu əsasında Kiyev aeroportunda həbs edilən ikinci xarici jurnalist oldu.
"Sərhədsiz reportyorlar" israrla Ukrayna hakimiyyətini Hüseynlini dərhal azad etməyə və repressiv hökumətlərin xaricə qaçan dissidentlərin təqibi üçün çox vaxt "qırmızı xəttindən" sui-istifadə etdiyi İnterpol-da təcili islahatlara çağırır.
Bakı Hüseynlini "sərhədi qanunsuz keçməkdə" və "fırıldaqçılıqda" ittiham edir.
Kiyev məhkəməsi onu apellyasiyaya baxılana qədər 18 gün müddətinə həbs edib.
"Ukrayna Azərbaycanın fərqli düşünənlərin təqibini öz sərhədlərindən kənara yaymaq cəhdlərini dəstəkləməməlidir", deyə "Sərhədsiz reportyorlar"ın bəyanatında bildirilir. "Biz siyasi motivli ittihamlar irəli sürülnə Fikrət Hüseynlini dərhal azad etməyə çağırırıq. Bu hadisə mühacirətdəki dissidentlərin təqibinə son qoymaq üçün İnterpol-un "qırmzı bildirişlər" sistemində islahatlar aparılması zərurətini göstərir", deyə bəyanatda qeyd edilib. -02D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz