İran və Azərbaycan informasiya sahəsində əməkdaşlığa başlayır

Oktyabrın 10-da Azərbaycan yüksək texnologiyalar naziri Əli Abasov Azərbaycanda səfərdə olan İranın Radio-Televiziya qurumunun rəhbəri İzzətullah Zərqamini qəbul edib.

Görüşdə maraq doğruan məsələlər, radio və televiziyada birgə yayımların təşkili ilə bağlı fikir mübadiləsi aparılıb.

Ə.Abbasov görüşdə ili ölkə KİV-lərinin fəaliyyətini tənzimləyəcək müşətərək komissiya yaradılması təklifi səsləndirib. Onun sözlərinə görə, bu istiqamətdə artıq müvafiq iş başlayıb və hazırda tele-radio yayımı qurumları ilə danışıqlar aparılır, amma o, məhz hansı qurumlardan söhbət getdiyini açıqlamayıb.

Daha sonra Abbasov bildirib ki, bir neçə il öncə hər iki tərəfin telekanallarında əsəbləri “qıcıqlandıran” verilişlər olub, hazırda belə verilişlərə son qoyulub.

Öz növbəsində, İ.Zərqami mətbuatla bağlı məsələlərin araşdırılmasına ciddi “ehtiyac” olduğunu söyləyib. Birgə proqram və layihələrin hazırlanmasını istədiklərini nəzərə çatdırıb. Birgə komissiyanın gələcəkdə internet kanallarını da əhatə edəcəyini qeyd edib. 

Görüşdə birgə komissiyanın fəaliyyəti ilə bağlı qarşılıqlı maraq doğuran məsələlər müzakirə olunub.

Elə bu gün Zərqamini Prezident Administrasiyasının şöbə müdiri Əli Həsənov qəbul edib. AzərTAc-ın məlumatına görə, görüşdə informasiya sahəsində birgə layihələrin həyata keçirilməsi məsələləri müzakirə olunub. -05D-