İran XİN Bakının İrana səfər etməmək çağırışına təəccüblənib

Bakı/05.06.23/Turan: İran XİN-in rəsmi nümayəndəsi Naser Kənani Azərbaycan XİN-in bu yaxınlarda ölkə vətəndaşlarını İran-a səfər etməməyə çağırmasına təəccüblənib. Bu, iranlıların azərbaycanlı tələbə Fərid Səfərlini casusluq ittihamı ilə həbs etməsindən sonra baş verib.

O, İsrail prezidentini İranla Azərbaycan arasında münasibətləri pozmaq cəhdində ittiham edib. Azərbaycan xalqı "azərbaycanlı qardaşlarına qucaq açan sivil və islam ölkəsi olan İrandan deyil, sinonist rejimdən qorxmalıdır", deyə o, öz Tvitter hesabında yazıb.

Xatırladaq ki, iki ölkə arasında münasibətlər 2022-ci ilin payızında İranın Azərbaycanla sərhəddə bir sıra hərbi təlimlər keçirməsindən və açıq şəkildə Ermənistanı müdafiə etməyə başlamasından sonra korlanıb.

Yanvarın sonlarında Tehranda Azərbaycan səfirliyinə qarşı terror aktı törədilib, səfirliyin bir əməkdaşı ölüb, iki nəfər yaralanıb.

Sonradan Azərbaycan və İran XİN başçıları arasında bir sıra telefon danışıqları münasibətlərin normallaşmasına gətirib çıxarmayıb. 02D