![İranın xarici işlər nazirinin müavini Bakıda səfərdədir](https://turan.az/resized/750/500/resize/media/2012/main/082300008570.jpg)
İranın xarici işlər nazirinin müavini Bakıda səfərdədir
İranın xarici işlər nazirinin müavini Seyyid Abbas Araqçı Bakıda səfərdədir. O bu gün Bakıya gəlib.
İranın Bakıdakı səfirliyi nazir müavininin səfərini təsdiq etsə də, görüşləri barədə hər hansı məlumat almaq mümkün olmayıb.
Müşahidəçilər səfər zamanı avqustun sonlarında Tehranda keçiriləcək Qoşulmama Hərəkatının sammitində Azərbaycanın yüksək səviyyədə təmsil olunmasının və ikitərəfli münasibətlərin müzakirə ediləcəyini təxmin edir.
İki dövlət arasında münasibətlər gərgin olaraq qalır. Bakıda may ayında keçirilən “Eurovision” mahnı müsabiqəsi zamanı İran kəşfiyyat orqanlarına bağlı olan çoxsaylı adam həbs edilir.
“The Telegraph” qəzeti isə dünən Böyük Britaniya kəşfiyyat orqanlarına istinadən yazıb ki, İranın ali dini lideri Əli Xamneyi “Eurovision” zamanı Azərbaycanda terror aktlarının törədilməsi ilə bağlı İnqilab Keşikçiləri Korpusuna şəxsən göstəriş verib.
S.A.Araqçının ilk olaraq iyulun 27-də Azərbaycana səfər edəcəyi bildirilmişdi və sonra səfər təxirə salınmışdı. Buna səbəb kimi hər iki ölkənin məsul şəxslərinin görüş proqramının sıxlığı göstərilmişdi. -03B-
Yaxın günlərdə İranın xarici işlər nazirinin Asiya və Okeaniya üzrə müavini Seyid Abbas Araqçı Bakıya rəsmi səfərdədir. Bu barədə İranın Bakıdakı mətbuat xidməti bildirib.
Araqçı səfərdən əvvəl Fars agentliyinə verdiyi müsahibədə deyib: “Biz iki dövlətdə yaşayan bir millətin əyani təcəssümüyük... Hər iki dövlətin rəsmiləri çalışmalıdırlar ki, Tehran-Bakı əlaqələri digər dövlətlərə nümunə olacaq inkişaf səviyyəsinə çatdırılsın”.
İki qardaş arasında fikir ayrılığının təbii olduğunu qeyd edən Araqçı, ölkələr arasında da fikir ayrılığının olmasını təbii və gözlənilən olduğunu söyləyərək, vurğulayıb: “Başlıcası budur ki, ölkələr arasında fikir ayrılığının problemə çevrilməsinin qarşısını almaqla yanaşı, baxışlar arasındakı fərqin azaldılmasına və anlaşma məqamların çoxaldılmasına səy göstərilsin”.
Bu mənada iki ölkə XİN-in üzərinə xüsusi missiya düşür, deyə Araqçı qeyd edib.
O, mövcud səhvlərin təhlilinin və onların nəticələrinin aradan qaldırılmasının, etimad atmosferi yaradılmasının tərəfdarı olduğunu bildirib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz