Müsavat partiyası başqanı İsa Qəmbər çərşənbə axşamı partiya qərargahında jurnalistlər üçün brifinq keçirib.
Brifinqin keçirilməsini zəruri edən səbəblər kimi demokratik qüvvələrin Milli Şurasının (MŞ) təsis olunması və “Yeni Azərbaycan” partiyasının V qurultayının keçirilməsi göstərilib.
Qarşıdakı prezident seçkilərinə hazırlıqların olduqca mürəkkəb şəraitdə davam etdiyi qeyd olunub.
Milli Şuranın yaradılması “ciddi hadisə” adlandırılıb. Eyni zamanda ölkənin gələcək hakimiyyətinə iddialı, alternativ siyasi güc mərkəzi olan Milli Şuranın ölkənin daxili və xarici siyasətinə aid bütün məsələlərə aydın və birmənalı cavab verməli olduğu nəzərə çatdırılıb.
Müsavat partiyasının avrointeqrasiya tərəfdarı olduğu deyilib. MŞ yaradılarkən bu bu məsələnin diqqət mərkəzində olması söylənilib. Amma qurumun təsis olunmasına az qalmış bu məsələ bəyannamədən çıxarılıb. Müsavat lideri bu müddəanı zəruri saydığını deyərək qurum təsis edilən gün bu məsələyə xüsusi qayıdıldığını və sənəddə kompromis şəkildə əksini tapdığını deyib. “Müsavat partiyasının Milli Şura ilə qırmızı xətlərə qədər əməkdaşlıq düsturu qüvvədədir”-deyə başqan mövqeyini açıqlayıb. Müsavat partiyasının ölkənin həyatına məsuliyyət daşıdığı, siyasi, ideoloji prinsipləri olduğu nəzərə çatdırılıb.
Demokratik qüvvələrin prezident seçkilərində vahid namizədlə iştirakı məsələsinə Müsavat partiyasının tərəfdar olduğu vurğulanıb. Vahid strategiya, vahid hədəf, vahid platforma olacağı halda vahid namizəd olması məntiqli sayılıb.
Amma bunun avtomatik həll edilmədiyi, ciddi müzakirələrdən keçdiyi xatırladılıb.
MŞ-nın namizədi 2 il müddətinə prezident seçilir. İki il müddətində bütün sahələr üzrə islahatlar aparılır, prezidentli respublikadan parlamentli respublikaya keçid təmin edilir. Burada məsələ var ki, parlament səviyyəsində, məsələ var ki, xalq referendumu səviyyəsində həllin tapır. Bütün bu və ya digər məsələlər barədə yekun razılıq olduqdan sonra Müsavat partiyasının hansısa vahid namizədi dəstəkləməsi mümkün sayılır. MŞ-nın sədri Rüstəm İbrahimbəyov iyunun sonunda ölkəyə qayıtdıqdan sonra bu məsələnin müzakirə obyekti olacağı deyilib. Ciddi danışıq, müzakirə, qərar olmadan Müsavat partiyasının son sözünü deməyəcəyi açıqlanıb.
Müsavat partiyasının prezidentliyə namizədi olaraq İ.Qəmbər seçkilərə hazırlıqların davam etdiridiyini bildirib. Milli Şura çərçivəsində tam anlaşma olduqdan sonra mövqedə dəyişiklik ola biləcəyi nəzərə çatdırılıb. Milli Şuranın təsis olunması ilə işin başa çatmadığı, əksinə bundan sonra başlandığı vurğulanıb. Milli Şura üzvlərinin, ətrafının, ölkədə dəyişklik istəyən hər bir vətəndaşın fədakarlıq göstərməsinin lazım gəldiyi, bunun nəticəsində dinc xalq hərəkatının forlamalşmasının zəruriliyi qeyd edilib.
Müsavat lideri YAP-ın V qurultayı və dövlət başçısı İlham Əliyevin fikirlərinə də mövqe ifadə edib. Bu qurultayda İ.Əliyevin özünü bir prezidentliyə namizəd kimi göstərmədiyi, çıxışında namizəd olaraq perspektivdə nələr edəcəyinə toxunmadığı deyilib. İ.Qəmbərin fikrincə, bu qurultayda YAP sadəcə öz namizədini müəyyən edib. İ.Əliyev isə, namizəd olmaq istəyini ifadə etməyib.
İ.Qəmbər hakimiyyətin mövqeyinin zəif olduğunu, daxildə və xaricdə dayağı olmadığını söyləyib. Avropanın “hüquqi dili” olan Venesiya komissiyasının İ.Əliyevin namizədliyinin 3-cü dəfə irəli sürülməsinin hüquqa zidd olması bəyanatı səsləndirməsinə diqqət çəkib.
Hakimiyyətin ziddiyyətli davranışı qeyd edilib. Buna nümunə kimi ARDNŞ-in ermənilərə qaz satması bəyanatı göstərilib. İ.Qəmbər Azərbaycan QHT-lərini erməni QHT-lərlə əlaqələrə görə az qala “xalq düşməni” çıxaran iqtidarın ermənilərlə ticarət qurmaq istəməsini tənqid edib. “İndiki hakimiyyət özü Moskvanın layihəsidir. 2003, 2008-də bu iqtidarın hakimiyyətə gəlməsi və qalmasına Moskva kömək edib”-deyə İ.Qəmbər iqtidar mənsublarının Milli Şuranı “Moskvanın layihəsi sayması” ittihamlarına cavab verib.
İ.Qəmbər beynəlxalq öhdəliklərini yerinə yetirməməsinə baxmayaraq təpki göstərmədikləri üçün beynəlxalq qurumları pisləyib.
İ.Əliyevin müxalifətin ünvanına əsassız ittihamlarını da İ.Qəmbər cavabsız qoymayıb. Müxalifətin dilinin “molotov kokteyli” olmasını absurd adlandırıb.
Hakimiyyət xalqın problemlərini həll etmək əvəzinə mənasız fəaliyyətdə, əsassız ittihamlarla gəncləri həbs etməkdə, son 20 ildə ölkənin bir problemini belə həll edə bilməməkdə suçlanıb.-05C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz