Bakı/23.02.18/Turan: Milli Strateji Düşüncə Mərkəzinin sədri, Müsavat Partiyasının sabiq başqanı İsa Qəmbər Mərkəzi Klinik Xəstəxanadadır. İ.Qəmbər özünü yaxşı hiss edir, xəstəxanaya müayinəsini davam etdirmək üçün gedib. Bunu Müsavat Partiyasının başqanı Arif Hacılı bildirib.
"Mərkəzi Klinik Xəstəxananın həkimləri İsa Qəmbərin bir neçə gün burada qalmasını və ürək-damar sisteminin gücləndirilməsi ilə bağlı tibbi prosedurlardan keçməsini tövsiyə ediblər", deyə A.Hacılı qeyd edib.
Xatırladaq ki, bu il yanvarın 13-də İ.Qəmbərin səhhətində problem yaranmışdı. Onu həmin gün Mərkəzi Klinik Xəstəxanaya yerləşdirmişdilər. Müayinələrdən sonra İ.Qəmbərin ürəyinə stent qoyulmuşdu.
Milli Strateji Düşüncə Mərkəzinin sədri yanvarın 18-də müalicə olunduğu xəstəxanadan evə buraxılmışdı. -05B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz