İsrailin XİN rəhbəri Bakıya gəlir

Aprelin 30-da İsrailin xarici işlər naziri Aviqdor Liberman Azərbaycana rəsmi səfərə gələcək, bu barədə “izrus” saytı İsraildəki mənbəyə istinadla məlumat yayıb.

Səfərin dəqiq proqramı hələlik formalaşdırılmayıb, amma ölkənin ali rəhbərliyi ilə görüşlər planlaşdırılıb.

Müzakirə ediləcək məsələlər siyahısına kənd təsərrüfatı, səhiyyə, yüksək texnologiyalar, müdafiə sənayesi sahələrində əməkdaşlığın inkişaf etdirilməsi və viza rejiminin sadələşdirilməsi daxildir.

Bundan başqa, beynəlxalq və regional məsələlər, o cümlədən Fələstin-İsrail danışıqlarına toxunulacaq.

İsrail mənbələri qeyd edir ki, ölkə hakimiyyəti “dost ölkənin fələstinlilərin birtərəfli addımlarını birmənalı olaraq dəstəkləməkdən imtina etməyə razılaşdırmağa çalışır, İsrail XİN rəhbərinin yaxın gələcəkdəki bütün xarici səfərləri məhz bununla bağlı olacaq”.

Qeyd edək ki, bu, Libermanın Bakıya ilk səfəri deyil. İki il əvvəl o, Azərbaycanda ən yüksək səviyyədə qeyd edilib, bütün sahələrdə əməkdaşlığın yüksək səviyyədə olduğunu qeyd edib. -02D-