Jurnalistləri Müdafiə Komitəsi Ülvi Həsənlini azad etməyə çağırıb
Jurnalistləri Müdafiə Komitəsi Ülvi Həsənlini azad etməyə çağırıb
Bakı/21.11.23/Turan: Azərbaycan hakimiyyəti “Abzas Media”nın direktoru Ülvi Həsənlini azad etməli və ölkənin müstəqil KİV-inin sərbəst çalışmasına imkan verməlidir, Nyu-Yorkda yerləşən Jurnalistləri Müdafiə Komitəsi bildirib.
«Hələ də rəsmi korrupsiya faktlarını araşdırmaq cəsarətində olan azsaylı yerli Azərbaycan KİV-indən biri olan “Abzas Media”nın ofisinə basqın və onun direktoru Ülvi Həsənlinin həbsi, görünür, bu KİV-in novator jurnalist fəaliyyətinə görə qisas xarakteri daşıyır. Azərbaycan hakimiyyəti Həsənlini dərhal azad etməli və “Abzas Media”ya qarşı təzyiqlərə son qoymalıdır”, - Komitənin ictimaiyyətlə əlaqələr üzrə direktoru Cipsi Gilyen Kayser bildirib.
"Azərbaycan hakimiyyəti Həsənlini dərhal azad etməli və “Abzas Media”nın təqibinə son qoymalıdır", - o əlavə edib.
“Abzas Media” 2014-cü ildən müstəqil KİV və mətbuat azadlığını müdafiə qruplarına qarşı bir sıra basqın, həbs və cinayət araşdırmalarından sonra qalan az sayda müstəqil mediadan biridir.
Jurnalistləri Müdafiə Komitəsi vəziyyətin şərh edilməsi təklifilə Bakı Polis İdarəsinə, Daxili İşlər Nazirliyinə və Azərbaycan Prezident Administrasiyasına elektron sorğu göndərsə də, heç bir cavab almayıb.—16B06
-
- İqtisadiyyat
- 21 Noyabr 2023 11:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz