Karantin rejimi sərtləşdirilir, SMS-icazə bərpa olunur
Bakı/18.06.20/Turan: 21 iyun saat 00:00-dan 5 iyul saat 06:00-dək Azərbaycanın iri şəhərlərində və bəzi rayonlarında xüsusi karantin rejimi sərtləşdiriləcək.
Bakı, Sumqayıt, Gəncə, Abşeron, Cəlilabad, Lənkəran və Masallı rayonlarında evdən çıxmaq üçün SMS- buraxılış sistemi tətbiq ediləcək.
Bu barədə XİN mətbuat xidmətinin rəhbəri Leyla Abdullayeva Nazirlər Kabineti yanında Operativ Qərargahın keçirdiyi brifinqdə bildirib.
Sərt karantin rejiminin detalları iyunun 19-da açıqlanacaq
Bununla yanaşı, L.Abdullayeva qeyd edib ki, sözügedən şəhər və rayonlarda fəaliyyətinə icazə veriləcək dövlət və özəl müəssisələrin əməkdaşları müxtəlif vaxtlarda işə çıxa biləcəklər.
Ticarət mərkəzlərinin fəaliyyəti dayandırılacaq.
İaşə obyektləri yerlərdə xidməti dayandıracaqlar.
Bərbərxana, gözəllik salonları, kosmetik xidmətlərin göstərilməsi, o cümlədən evdə və başqa yerlərdə xidmətlərin göstərilməsi dayandırılır.
Muzey və sərgi salonları, əvvəllər açıq havada icazə verilən idman yarışları bağlanacaq.
Bununla yanaşı, aprelin 5-dən mayın 4-dək mövcud olmuş karantin rejimindən fərqli olaraq,65 yaşdan yuxarı şəxslərin evdən çıxmasına tam qadağa qoyulmayacaq, parklar, bulvarlar açıq olacaq, metro fəaliyyət göstərəcək.
L.Abdullayeva həmçinin bildirib ki, ölkə üzrə xüsusi karantin rejimi avqustun 1-dək uzadıla bilər.—06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz