Тофик Зульфугаров
Keçmiş XİN başçısı Elmar Məmmədyarovu tənqid edib
Bakı/20.11.17/Turan: Azərbaycanın keçmiş xarici işlər naziri Tofiq Zülfüqarov öz Facebook səhifəsində hazırki XİN başçısı Elmar Məmmədyarovu RF XİN başçısı Sergey Lavrovun ifadələri qarşısında zəif mövqeyinə görə tənqid edib.
"Mətbuat konfransı iştirakçılarından kimsə Azərbaycanın mövqeyini təmsil etsəydi, yəqin ki, bizim üçün Azərbaycan Respublikasının ərazi bütövlüyü prinsipinə riayət olunmadan Ermənistan-Azərbaycan münaqişəsinin həllinin qəbuledilməz olduğunu deməyə məcbur idi.
Maraqlıdır, Məmmədyarov Cenevrədən sonra prezidentin bir daha bəyan etdiyi mövqeyi niyə səsləndirməyib?", deyə Zülfüqarov Azərbaycan XİN başçısının Lavrovun fikirləri qarşısında susmasından narazılığını bildirib.
"Yeri gəlmişkən, Azərbaycanın gələcək diplomatları Azərbaycanın Dağlıq Qarabağ üzərində suverenliyini itirdiyini deyən S.Lavrovdan faydalı nə eşidə bilərdilər? Azərbaycan tərəfindən səfər proqramını kim hazırlayıb və ümumiyyətlə, bu mühazirə nəyə lazım idi?", deyə sabiq nazir Lavrovun ADA universitetində anti-Qərb çıxışını şərh edərkən bildirib. -02D-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz