Bakı/20.11.17/Turan: RF XİN başçısı Sergey Lavrovun Qarabağ nizamlanması üzrə bugünki müzakirələr zamanı səsləndirdiyi bəyanatlar bu problemin həlli üçün bir yenilik olmadığını göstərir.
Elmar Məmmədyarovla söhbət zamanı və sonrakı mətbuat konfransı zamanı Lavrov qeyd edib ki, nəticəyə gətirib çıxaracaq nizamlanma parametrləri artıq məlumdur.
"Münaqişə heç kimi qane etmir, həll yolu axtarıb tapmaq lazımdır, özü də nəticəyə gətirib çıxaracaq bir çox istiqamətlər artıq müəyyən edilib", deyə o bildirib.
O, ATƏT-in Minsk Qrupunun tərkibinin genişləndirilməsi ehtimalını təkzib edib, Rusiya, ABŞ və Fransadan başqa, Dağlıq Qarabağın dünyada heç kimi maraqlandırmadığına eyham vurub.
"ATƏT-in Minsk Qrupuna az-çox maraqlı olan və bu prosesə təsir göstərə biləcək bütün ölkələr birlikdə sədrlik edir", deyən Lavrov qeyd edib ki, formatın dəyişdirilməsi ideyaları yalnız işi korlayar.
Yuxarıda deyilənlərdən belə bir nəticə çıxarmaq olar ki, Lavrov Moskvanın yeni heç nə gözləməyə dəyməyəcəyi haqqında əvvəlki mövqeyini və indi danışıqlar masasında əvvəlki nizamlanma ideyalarının olduğunu təsdiq etmək üçün gəlib.
Bu fonda Elmar Məmmədyarovun "məsələnin bu vəziyyətdən çıxarılmasına kömək edə biləcək həll variantları olduğu" haqqında bəyanatı inandırıcı görünmür.
O, "həll variantlarının" nədən ibarət olduğunu konkretləşdirmədən, ötən həftə Moskvada həmsədrlərlə onları müzakirə etdiyini deyib.
Amma Lavrovun davranışından görünür ki, Məmmədyarovun ideyaları Rusiya tərəfin xoşuna gəlməyib.
Buna görə Məmmədyarovun siyasi iradə nümayiş etdirmək və münaqişənin həlli üçün BMT Təhlükəsizlik Şurasının qətnamələrini yerinə yetirmək məqsədilə konkret addımlar atmaq çağırışı adi səslənib.
Beləliklə, mərhələli həll və birinci mərhələdə beş rayonun qaytarılması ilə bağlı ümidlər "havada" qaldı. Bir müddət əvvəl qeyri-rəsmi mənbələr Bakı KTMT-yə, Gömrük İttifaqına daxil olduğu və Rusiya sülhməramlılarını Qarabağa buraxacağı təqdirdə Moskvanın bu plana razılıq verəcəyini bildirib. -02/6B-
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz