Açiq mənbələrdən foto.
Bakı/11.06.21/Turan: Azərbaycan Müdafiə Nazirliyi cümə günü Kəlbəcər rayonu ilə Ermənistanın Geqarkunik vilayətinin sərhədində atışma faktını təsdiq edib. Xəsarət alan yoxdur, bu barədə hərbi idarənin məlumatında deyilir.
Müdafiə Nazirliyi Azərbaycan Silahlı Qüvvələrinin mövqelərinə açılan atəşi Ermənistan tərəfin təxribatı kimi qiymətləndirir.
Xatırladaq ki, dünən Ermənistan Azərbaycanı Verin Şorja, Kut və Zod yaşayış məntəqələri yaxınlığındakı Ermənistan mövqelərini atəşə tutmaqda ittiham edib.
Azərbaycan Silahlı Qüvvələri iyunun 10-da sərhəd bölgəsində mühəndislik işləri həyata keçirməyə çalışıb. Ermənistan Silahlı Qüvvələri əks tədbirlər görüb və tərəflər arasında atışma baş verib, xəbəri Ermənistanın Müdafiə Nazirliyi yayıb. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz