KİV-də senzuranın əsaslarının dairəsi genişləndirilir
Bakı/18.04.18/Turan: Ölkə parlamenti bəzi media qanunlarına dəyişiklik etməyə hazırlaşır. Həmin dəyişikliklər paketi bu gün, aprelin 17-də Milli Məclisin Mədəniyyət komitəsinin iclasında müzakirə edilib.
Bu haqda Milli Məclisin mətbuat xidmətinin məlumatına bildirilir.
Məlumata görə, "Kütləvi informasiya vasitələri haqqında" qanunun senzuranın yolverilməzliyi ilə bağlı maddəsinə dəyişikliklər təklif olunur.
KİV qanunun "Senzuranın yolverilməzliyi" adlanan hazırda qüvvədə olan mətnində KİV üzərində dövlət senzurası qadağan edilir. Ancaq 2 hal istisna təşkil edir. Fövqəladə vəziyyət durumunda məhdudiyyətə icazə verilir. Bundan başqa, hazırkı qanun dini ekstremizm əleyhinə əməliiyyatlar zamanı da informasiyaların verilməsinə məhdudiyyətlərin tətbiq edilə bilməsini mümkün sayır.
Dəyişiklik təklifi bu çərçivəni bir qədər də genişləndirir.
Milli Məclis təklifləri qəbul etsə, hərbi vəziyyət dövründə KİV-in məlumat və materialları hərbi senzuradan keçirilə biləcək. Bundan əlavə, hərbi vəziyyət tətbiq edilən ərazilərdə KİV-ə xüsusi fəaliyyət rejimi tətbiq edilə biləcək.
"Televiziya və radio yayımı haqqında" qanuna da qeyd olunan məzmunda yeni müddəa əlavə olunması təklif edilir.
"İctimai televiziya və radio yayımı haqqında" qanuna da dəyişikliklər təklif edilir. Ancaq həmin təkliflər senzura ilə yox, reklam şərtləri ilə bağlıdır.
Parlamentin Mədəniyyət komitəsi dəyişiklik təkliflərini bəyənərək, plenar iclasa göndərib.--0--
-
- Siyasət
- 18 Aprel 2018 10:34
-
- İqtisadiyyat
- 18 Aprel 2018 10:57
Siyasət
-
1 saylı Bakı İstintaq Təcridxanasının sanitariya hissəsində saxlanılan iflic, birinci qrup əlil olan fəal Famil Xəlilov oktyabrın 2-dən etibarən quru aclığa keçib.
-
"Abzas Media" onlayn nəşrinin direktoru Ülvi Həsənlinin saxlanıldığı 1 saylı Bakı İstintaq Təcridxanasındakı işgəncə faktları barədə yazandan sonra özü qeyri-insani rəftara məruz qalır. Bu barədə jurnalistin həyat yoldaşı Rübabə Quliyeva bildirib.
-
Oktyabrın 4-də Bakının Xətai Rayon Məhkəməsi Demokratik Təşəbbüslər İnstitutunun (DTİ) fəalı Ramil Babayevin həbs müddətini üç ay uzadıb.
-
Dünən Azərbaycan və Kolumbiya Xarici İşlər Nazirlikləri arasında video-konfrans formatında ilk konsulluq məsləhətləşmələri keçirilib.
Rəy yaz