![Konqresdə debatlar: Dindarlara təzyiqlərə görə Bakını yardımdan məhrum etmək lazımdırmı?](https://turan.az/resized/media/2017/main/101200004935-750-500-resize.webp)
Konqresdə debatlar: Dindarlara təzyiqlərə görə Bakını yardımdan məhrum etmək lazımdırmı?
Vaşinqton/12.10.17/Turan: Obama administrasiyasının keçmiş top-meneceri Tramp administrasiyasını dini azadlıqları pozan ölkələrə yardım verilməsi imkanlarına yenidən baxılmasına çağırıb.
"Bu cür hallar Azərbaycan, Bəhreyn, Çin, İran, Rusiya, Səudiyyə Ərəbistanı və Tacikistanda baş verir. Bu, dinc dini baxışların terrorçuluq fəaliyyəti hesab edildiyi ölkələrin bir hissəsidir",- Milli Təhlükəsizlik Şurasının nümayəndəsi Rob Berşinski çərşənbə günü Nümayəndələr Palatasının milli təhlükəsizlik üzrə alt komitəsində dinləmələrdə bildirib.
"Belə siyasət təkcə dini icmalara və digər dinc mülki təşkilatlara təhlükə yaratmır, həm də dindarların radikallaşmasına səbəb olur", - o qeyd edib.
Repressiv hökumətlər hökumətin birbaşa nəzarətindən kənar olan istənilən qeyri-hökumət qurumuna hakimiyyətə təhlükə kimi baxaraq onların üzərində nəzarətə can atırlar.
Odur ki, dini azadlıqlara hücum çox zaman siyasi müxalifətə, vəkillərə və insan hüquqları sahəsində fəallara, seks azlıqlara və etnik azlıqlara hücumların tərkib hissəsinə çevrilir
"Azərbaycan, Çin və Tacikistan hakimiyyətləri dinc siyasi müxalifət qruplarına və dini icmalara qarşı aqressiv əhval-ruhiyyədirlər və çox zaman öz hərəkətlərinə şübhəli əks-terror tədbirləri ilə bəraət qazandırırlar.
Ancaq bu hərəkətlər onların cəmiyyətlərində radikal baxışların yayılmasına xidmət edir", - o vurğulayıb.
R.Berşinki ABŞ administrasiyasını avropalı müttəfiqlərlə qarşılıqlı diplomatik fəaliyyəti canlandırmağa, dini azadlıq və konfessiyalararası dialoqu, Mərkəzi və Şərqi Avropada antisemitizmə qarşı mübarizəni təşviq edən vətəndaş cəmiyyəti qrupları üçün xarici yardımın artırılması məsələsinə baxılmasına çağırıb.
Dövlət Departamentinin rəsmi nümayəndəsi Maykl Kozak deyib ki, ABŞ-ın dini azadlıqların qorunması üzrə səyləri Amerikanın milli maraqları ilə birbaşa bağlıdır. O əlavə edib ki, administrasiya təqib olunan dini azlıqlara yardım göstərilməsi məqsədilə Konqreslə əməkdaşlıq etmək istəyir".
Xatırladaq ki, ötən ay konqresmenlər Kris Smit və Cim Makqovern "H. Res. 537" qanun layihəsini təqdim edərək insan hüquqlarının pozulması ilə əlaqədar Azərbaycanın rəsmi şəxslərinə qarşı sanksiyaların tətbiqinə çağırıblar.-25B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz