Cümə günü Türkiyənin Konya şəhərində Azərbaycan və Türkiyə HHQ-nin "TURAZ Şahini 2016" adlı birgə hərbi təlimləri başa çatıb.
Azərbaycan Müdafiə Nazirliyinin mətbuat xidmətinin məlumatına görə, martın 7-də start götürmüş təlimlərin yekun mərhələsini Azərbaycan və Türkiyə HHQ-nin komandanları - general-leytenant Ramiz Tahirov və ordu generalı Abidin Ünal müşahidə ediblər. Azərbaycan tərəfdən təlimlərə 3 MİQ-29 qırıcı təyyarəsi, 3 Su-25 hücumçu təyyarəsi və şəxsi heyət cəlb olunub.
Təlim çərçivəsində Türkiyə pilotları MİQ-29 qırıcı təyyarələrində və SU-25 bombardmançı təyyarələrində, Azərbaycan pilotları isə F-16 qırıcı təyyarələrində tanışlıq xarakterli uçuşlar həyata keçiriblər.
Bundan başqa, şərti düşmənin strateji obyektlərinin, habelə onları qoruyan təyyarələrin məhv edilməsi məqsədilə birgə əməliyyat keçirilib. Bununla yanaşı, şərti terrorçuların bazalarının məhv edilməsi üzrə əməliyyat keçirilib. -06D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz