Koronavirusla mübarizədə iştirak edən tibb işçilərinin əməkhaqlarına əlavələr müəyyən edilib
Bakı/25.03.20/Turan: Nazirlər Kabineti “Yeni növ koronavirus infeksiyası (COVID-19) ilə mübarizə tədbirlərində iştirak edən tibb işçilərinin əməkhaqlarına müddətli əlavənin müəyyən edilməsi barədə” qərar qəbul edib.
Sənəd koronavirus infeksiyası ilə əlaqədar işə görə dövlət tibb müəssisələrinin işçilərinin əməkhaqlarına əmsalını müəyyən edir.
Belə ki, tibbi profilaktik tədbirləri həyata keçirən işçilərə aylıq vəzifə maaşının 3 misli məbləğində; təcili tibbi yardım xidməti göstərən tibb işçilərinə, həmçinin bioloji materialın müayinəsi ilə məşğul olan laboratoriya işçilərinə aylıq vəzifə maaşının 4 misli məbləğində ödəniləcək.
Pasiyentlərə stasionar tibbi xidmət göstərən işçilər aylıq vəzifə maaşının 5 misli məbləğində alacaq.
Müddətli əlavə 2020-ci il martın 1-dən iyunun 1-dək olan müddət üçün ödənilir.06D-
Siyasət
-
Yanvarın 21-də Bakıda Azərbaycanın Abzas Media xəbər saytının baş redaktoru Sevinc Vaqifqızının (Abbasova) və onun beş həmkarının işi üzrə növbəti məhkəmə iclasları başlayıb.
-
Yanvarın 21-də Bakı Apellyasiya Məhkəməsində Siyasi Menecment İnstitutunun direktoru Azər Qasımlının şikayətinə baxılıb. O, ev dustaqlığına keçirilməsindən imtina qərarından şikayət vermişdi.
-
Yanvarın 21-də Azərbaycan prezidenti İlham Əliyev Donald Trampa ABŞ prezidenti vəzifəsinə başlaması ilə əlaqədar təbrik məktubu göndərib.
-
Azərbaycan prezidenti İlham Əliyev yanvarın 20-də Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlib.
Rəy yaz