Kristofer Smit Amnesty International-ın siyahısını prezident İlham Əliyevə təqdim edib
ATƏT PA-da ABŞ nümayəndə heyətinin rəhbəri Kristofer Smit iyunun 28-də prezident İlham Əliyevlə görüşündə Azərbaycanda siyasi məhbuslar məsələsini qaldırıb. Bu barədə Smit bazar günü jurnalistlərlə söhbətində deyib.
Onun sözlərinə görə, bir saata yaxın davam edən görüş zamanı Azərbaycanın traffikinq sahəsindəki nailiyyətlərini alqışlayıb.
Bununla yanaşı Smit siyasi məhbuslar məsələsinə, əsasən Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin işinə toxunub.
O, Amnesty İnternational beynəlxalq hüquq –müdafiə təşkilatının siyasi məhbuslarla bağlı siyahısını Azərbaycan prezidentinə təqdim edib.
“Zənnimcə, bizim açıq və səmimi söhbətimiz oldu”, - Smit vurğulayıb.
Qeyd edək ki, Amnesty İnternational-ın siyahısına əsasən hazırda Azərbaycan həbsxanalarında 19 “vicdan məhbusu” var.
11 QHT-nin razılaşdırılmış siyahısına görə, ölkədə 81 nəfər siyasi məhbus var.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz