KTMT ölkələrinin hərbiçləri Qafqazda sərhəd münaqişəsi zamanı əməliyyat məşqləri keçirəcəklər

Bakı/15.08.20/Turan: Kollektiv Təhlükəsizlik haqqında Müqavilə Təşkilatına üzv ölkələr (Rusiya, Ermənistan, Belarus, Qazaxıstan, Qırğızıstan və Tacikistan daxildir) avqustun 17-dən 20-nə qədər xüsusi təlimlər keçirəcəklər. Bu barədə RQ məlumat yayıb.

KTMT-nin Birgə Qərargahının mətbuat katibi Vladislav Şeqrikoviç bildirib ki, təlimlər hərbiçilərin Qafqaz regionunda sərhəddə baş verən silahlı münaqişənin lokallaşdırılması üzrə birgə əməliyyat zamanı maddi-texniki təminat məsələlərini həll edə bilməsi üçün nəzərdə tutulub. 

Təlimlər Həştərxan vilayətində "Kapustin Yar" poliqonunda Cənub hərbi dairəsi qoşunlarının maddi-texniki təminat üzrə komandir müavini general-leytenant Viktor Voronovun rəhbərliyi altında keçiriləcək.

Maraqlıdır ki, təlimlər dövlət sərhədinin Tovuz istiqamətində Ermənistanın Azərbaycana hücumlarından bir ay sonra və burada Azərbaycan mövqelərinə açılan atəşlərin kəsilmədiyi bir şəraitdə keçirilir. Bu mənada təlimlərin Azərbaycan əleyhinə yönəldiyi göz önündədir.  -0-