Yerevan hava limanı
Kütləvi köçdən bir il sonra Qarabağ ermənilərinin 3%-dən azı Ermənistan vətəndaşlığını əldə edib
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
2020-ci il müharibəsindən əvvəl Qarabağ erməniləri, onların Azərbaycanda yaşadıqlarını göstərən "070" kodu ilə xüsusi Ermənistan pasportlarına sahib olublar. İndi isə Ermənistanda qalmaq istəyən köçkünlər həmin sənədləri xüsusi işarələr olmadan tam hüquqlu Ermənistan pasportları ilə əvəz etmək imkanına malikdirlər.
Ermənistan Daxili İşlər Nazirliyinin Miqrasiya Xidməti rəis müavini Nelli Davtyan vətəndaşlıq əldə edənlərin az olmasını, bir çoxlarının daimi yaşamaq üçün digər ölkələrə köçmək və ya qaçqın statusunu qoruyaraq yardımlar almaq istəyi ilə əlaqələndirib. “Çoxları statuslarını saxlamağa və gələcəkdə Avropa və ya Şimali Amerikaya köçmək imkanını əldə etməyə üstünlük verir”, — deyə Davtyan bildirib.
“Sputnik Armenia” da daxil olmaqla, erməni KİV-lərinin məlumatına görə, köçkünlərin əksəriyyəti Ermənistanı tərk edərək daimi yaşayış üçün Rusiyaya üz tutur. Rusiya dünyada ən böyük erməni diasporasının yerləşdiyi ölkədir.
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
-
Sentyabrın 27-də Azərbaycanın xarici işlər naziri Ceyhun Bayramov Birləşmiş Millətlər Təşkilatı Baş Assambleyasının 79-cu sessiyasında iştirakı çərçivəsində almaniyalı həmkarı Annalena Berbok ilə görüşüb.
Rəy yaz