Lavrov Qarabağ nizamlanmasında icmalar arasında əlaqələr, Məmmədyarov isə mərhələli nizamlanma haqqında danışıb
Bakı/03.12.19/Turan: RF XİN başçısı Sergey Lavrov Dağlıq Qarabağ icmaları arasında əlaqələrin bərpasını alqışlayıb. Bu barədə o, Bakıda Azərbaycanlı həmkarı Elmar Məmmədyarovla danışıqlarının yekunlarına həsr edilmiş bugünki mətbuat konfransında bildirib.
"Dağlıq Qarabağ icmaları arasında əlaqələrin tərəfdarıyam", deyə Lavrov Azərbaycan və Ermənistandan jurnalistlərin bu yaxınlarda baş tutmuş qarşılıqlı səfərlərini şərh edərkən bildirib.
Lavrovun sözlərinə görə, Rusiya bu təşəbbüsün müəlliflərindən biri idi. İstənilən qərar bu torpaqlarda yaşayan insanlar tərəfindən qəbul edilməlidir, deyə Rusiya naziri bildirib. "Mən icmalar arasında əlaqələrin, onların bərpa edilməsinin tərəfdarıyam. Onsuz da nəticə etibarilə Qarabağ əhalisi necə yaşayacağına qərar verməli olacaq", deyə Lavrov qeyd edib.
Rusiya öz növbəsində ATƏT MQ-nin həmsədri kimi münaqişənin nizamlanmasına yardım edəcək. Onun fikrincə, tərəflər güzəştə meyllidirlər. Bu zaman o qeyd edib ki, Moskva Azərbaycan və Ermənistan XİN başçılarının dekabrın 4-də Bratislavada keçiriləcək görüşündən nəticələr gözləyir.
Dağlıq Qarabağ münaqişəsinin nizamlanması məsələsi Azərbaycan və Rusiyanın ikitərəfli münasibətlərində ciddi mövzudur, deyə Məmmədyarov bildirib. O etiraf edib ki, Dağlıq Qarabağ münaqişəsinin nizamlanması üzrə danışıqlar "çıxılmaz vəziyyətdədir". "Dağlıq Qarabağ məsələsi üzrə danışıqlar prosesinin hazırki vəziyyəti heç bir yere aparıb çıxarmır", deyə Məmmədyarov bildirib.
O hesab edir ki, münaqişə mərhələli şəkildə həll edilməlidir. "İlk növbədə, əlbəttə ki, ordu sahədə olmamalı, kazarmalara qayıtmalıdır. Daha sonra qaçqınların qaytarılması, iqtisadi imkanların və yolların açılması haqqında düşünmək olar", deyə Məmmədyarov qeyd edib. -06D-
-
- Siyasət
- 3 Dekabr 2019 13:56
Siyasət
-
Bakı Ağır Cinayətlər Məhkəməsində fəal İlhamiz Quliyevin işi üzrə prosesdə ittiham aktı elan edilib. Fəal narkotik maddələrin qanunsuz dövriyyəsi ittihamını rədd edib və cinayət işinin saxtalaşdırıldığını bildirib.
-
Son bir neçə həftə ərzində Azərbaycan da daxil olmaqla, bütün dünyada mətbuat azadlığına vurulan zərbələr jurnalistikanı qorumaq tələbilə Bayden administrasiyasına təzyiqlərə səbəb olub, Turan-ın Vaşinqtondakı müxbiri bildirib.
-
Mayın 16-da Cenevrədə parlament sədrlərinin VI Ümumdünya Konfransının Təşkilat Komitəsinin 1-ci iclası çərçivəsində Azərbaycan və Ermənistan parlamentlərinin sədrləri Sahibə Qafarova və Alen Simonyanın ikinci görüşü keçirilib.
-
Rusiyanın Ukraynanın ikinci böyük şəhəri Xarkova hücumu fonunda Vaşinqtondakı rəsmi şəxslər deyirlər ki, ABŞ-ın son hərbi yardımından sonra savaş meydanında "real dəyişikliklər" gözləyirlər. Bu barədə dövlət katibi Blinken Kiyevə səfəri zamanı bildirib, Turan-ın Vaşinqton müxbiri məlumat verib.
Rəy yaz