Lavrov və Bayramov Ermənistan və Azərbaycan arasında sülh müqaviləsini müzakirə edib

Bakı/23.12.22/Turan: RF XİN başçısı Sergey Lavrov Ermənistan tərəfin Moskvada üç nazirin görüşündə iştirak etməkdən imtinası ilə bağlı təəssüfünü bildirib.

"Dekabrın 5-də sülh sazişi ilə bağlı müzakirələri davam etdirmək üçün Azərbaycan və Ermənistan xarici işlər nazirlərinin görüşünü keçirmək barədə razılığa gəldik. Biz bu tədbirə hazırlaşırdıq. Təəssüf ki, son anda erməni həmkarlarımız Moskvaya gəlməkdən imtina ediblər, bunu "Yer üzərindəki" vəziyyətlə izah ediblər. Təəssüf ki, belə bir fürsət əldən verilib", deyə Lavrov cümə günü Azərbaycan XİN başçısı Ceyhun Bayramovu qəbul edərkən bildirib.

"Bu gün sizinlə məmnuniyyətlə Rusiya prezidenti V.V.Putin, Azərbaycan prezidenti İ.H.Əliyev və Ermənistan baş naziri N.V.Paşinyanın qərarlarına uyğun olaraq ölkələrimiz qarşısında dayanan vəzifələri müzakirə edəcəyik. Dörd ədəd üçtərəfli bəyanat təsdiq edilib. Onlar üzrə iş aparılır. Bu işi sürətləndirmək istərdik.

"Yer üzündə" hansı problemlər yaranırsa yaransın, əminəm ki, görüşmək, razılıq əldə etmək, etimadı möhkəmləndirmək və bütün bu problemlərin həll edilməsi üçün zəmin hazırlamaq lazımdır", deyə XİN-in mətbuat xidməti Lavrovdan sitat gətirir. 0