Bakı/31.01.20/Turan: Leyla və Arif Yunusların kitabının yaxın vaxtlarda Ermənistanda nəşr olunacağı və martın 31-də təqdimatının keçiriləcəyi ilə bağlı haqqin.az saytında dərc edilən məlumat yalandır. Bunu Turan agentliyinə müəlliflər, siyasi mühacirətdə olan hüquq müdafiəçiləri Leyla və Arif Yunuslar bildiriblər.
Kitab iki hissədən ibarətdir: birinci hissəni Arif, ikinci hissəni Leyla yazıb. Onlar bildiriblər ki, kitabı həbsxanada olarkən hər biri ayrılıqda yazıb.
2018-ci ildə cütlük azad edildikdən sonra Avropaya köçdüyü zaman kitab orada nəşr olunub. Nəşr üçün vəsait Avropa Demokratiya Fondu tərəfindən ayrılıb.
Fondun kitabın ingilis dilinə tərcüməsinə də yardım göstərib və tezliklə işıq üzü görəcək.
Bundan əlavə, Avstriya PEN Klub kitabı alman dilinə tərcümə edərək nəşr etdirib. Holland dilinə də tərcümə hazırlanır.
“Kitabda barəsində qərəzsiz danışdığım insanlar var. Eynulla da onların arasındadır. Reaksiya da buradandır. Hakimiyyətin məni erməni casusluğunda və s. ittiham etməsi məni qorxutmadı. Hakimiyyət, xüsusən yazının müəllifi kimi adamlar səni tərifləyəndə qorxmaq lazımdır”, - Arif Yunus deyib.-02B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz