• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(2 saat əvvəl)
Leysan yağışları Azərbaycanın qərb rayonlarına ciddi ziyan vurub
A- A A+
EN RU
Turan İnformasiya Agentliyi
Turan İnformasiya Agentliyi

Leysan yağışları Azərbaycanın qərb rayonlarına ciddi ziyan vurub

Bu gecə güclü küləklə müşayiət olunan leysan yağışları Zaqatala və Balakən rayonlarında ciddi fəsadlar törədib.

 
Əsasən güclü külək Zaqatala-Balakən magistralında Zaqatalanın Əliabad, Qımır kəndləri və aeroport yolu ətrafındakı yol kənarında olan iri gövdəli ağacları yola aşırıb. 
 
Zaqatala Rayon İcra Hakimiyyəti başçısının müavini Elman Ramazanov Turan-a bildirib ki, yuxarıda adı çəkilən zonada burulğana dönən külək 100-ə qədər iri gövdəli ağacı yıxıb. Külək 35 kv.-lıq elektirk yarımstansiyası, telefon xətlərinə ziyan vurub, rayonun əksər hissəsində elektrikin verilməsi dayandırılıb. 
 
Təbii fəlakətin nəticələrinin aradan qaldırılması üçün 35-ə qədər texnika cəlb edilib. Dağətəyi ərazilərdə çay daşmaları elə ciddi ziyan vurmasa da bəzi evlərə su daxil olub və belə hallar əsasən Mazıx kəndində qeydə alınıb. 
 
  Güclü külək və leysan yağışları rayondakı taxıl sahələrinə ciddi ziyan vurub. Hazırda yerlərdə araşdırma aparılır və fəsadların aradan qaldırılması istiqamətində iş gedir. Dəymiş ziyan hesablanır.
 
Külək və yağışlar fəsadlar törətsə də insan itkisinə səbəb olmayıb.  E.Ramazanov bildirib ki, elektrik enerjisinin verilməsində yaranan fasilə gün ərzində aradan qaldırılacaq. 
 
Sinoptiklər bildirirlər ki, iyunun 25-də Bakıda və Abşeron yarımadasında hava şəraiti dəyişkən buludlu olacaq, arabir tutulacaq, əsasən yağmursuz keçəcək 16/05B-

Rəy yaz

Siyasət

Bizi sosial şəbəkələrdə izləyin

Xəbər lenti