Boris Johnson
Bakı/04.11.21/Turan: Birləşmiş Krallıq Azərbaycanın etibarlı tərəfdaşıdır və bu, belə də qalacaq. AZƏRTAC-ın məlumatına görə, Böyük Britaniya və Şimali İrlandiya Birləşmiş Krallığının Baş naziri Boris Conson bunu VIII Qlobal Bakı Forumuna ünvanladığı müraciətində bildirib.
Baş nazir müraciətində gələn il Birləşmiş Krallıq ilə Azərbaycan arasında diplomatik əlaqələr qurulmasının 30 illiyinin qeyd ediləcəyini vurğulayır. “Son 30 il ərzində əlaqələrimiz inkişaf edib və Birləşmiş Krallıq-Azərbaycan əməkdaşlığı hazırda yüksəliş dövrünü yaşayır”, deyə Conson iki ölkə arasındakı əlaəqləri qiymətləndirir.
O vurğulayır ki, Birləşmiş Krallıq Azərbaycanın ən böyük investoru olaraq qalır, amma bu əlaqələr bundan da uzağa gedir. Baş nazir Azərbaycanın kimyəvi silahların istifadə olunmasına qarşı mübarizədə və narkotik vasitələr qaçaqmalçılığının qarşısının alınmasında dəstəyini xüsusi vurğulayır.
Baş nazir Azərbaycanın “yaşıl enerjiyə” verdiyi xüsusi dəyəri və bərpa olunan enerjinin rolunun artırılması planlarını alqışladığını bildirir.
Conson Birləşmiş Krallığın Qafqaz regionunda sülh və sabitliyi, eləcə də postmünaqişə problemlərinin həllini dəstəkləməyə davam etdiyini də dilə gətirir: “Mən minalar və partlamamış silah-sursatlardan həlak olanlar və yaralananlar barədə xəbərlərdən dəhşətə gəlirəm. Biz Birləşmiş Krallıqda - həm hökumət, həm də Britaniya şirkətləri olaraq – bu problemlərin həlli üçün Azərbaycanın milli minatəmizləmə proqramına və BMT İnkişaf Proqramının mina təmizləmə fəaliyyətinə dəstək göstərməklə mina riskləri barədə məlumatlandırmaya və dünya səviyyəli təcrübəmizi təklif edərək töhfə veririk”, deyə o bildirir.
O deyir ki, Birləşmiş Krallıq bütün region dövlətlərini, ilk növbədə Piyada əleyhinə Mina Qadağası Konvensiyası olmaqla, müvafiq sazişlər imzalamaq istiqamətində də addımlar atmağa çağırdığını nəzərə çatdırır.
Baş nazir hesab edir ki, Birləşmiş Krallıq Azərbaycanın etibarlı tərəfdaşıdır və bu, belə də qalacaq və gələcək illərdə tərəfdaşlığın davamlı inkişafına ümid edir. -05D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz