Bakı/22.07.20/Turan: Los-Ancelesdə yaşayan yüzlərlə erməni iyulun 21-də Azərbaycanın Baş Konsulluğunun binası qarşısında etiraz aksiyası keçirərək aqressiv şüarlar səsləndiriblər.
Baş Konsulluğun yaxınlığında olan azərbaycanlılar da öz növbəsində “Qarabağ Azərbaycandır!”, “Erməni təcavüzünü durdurun!” və s. şüarlar səsləndiriblər.
Buna cavab olaraq erməni nümayişçilər azərbaycanlılara hücum ediblər və yerli polis buna mane ola bilməyib.
Nəticədə 7 Azərbaycan vətəndaşı, o cümlədən bir qadın xəsarət alıb. Həmçinin Azərbaycan vətəndaşlarını müdafiə etməyə çalışan polis əməkdaşı da xəsarət alıb. Dörd yaralı xəstəxanaya yerləşdirilib.
İnsidentdən sonra baş konsul Nəsimi Paşayev Los-Ancelesin polis rəisi Mişel Mur ilə əlaqə saxlayıb. Sonuncu insidentə görə üzr istəyib və bildirib ki, istintaq aparılacaq və bu məqsədlə istintaq qrupu yaradılıb.
Baş Konsulluq Los-Anceles merinə və digər vəzifəli şəxslərinə müraciət edərək günahkarların müəyyən edilərək məsuliyyətə cəlb olunmasını tələb edib. -06D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz