![Açiq mənbələrdən foto.](https://turan.az/resized/media/2022/main/021400044721-750-500-resize.webp)
Açiq mənbələrdən foto.
Maliyyə maxinasiyaları ilə bağlı Müdafiə Nazirliyinin dörd zabiti həbs olunub
Bakı/14.02.22/Turan: Bazar günü hökumətyönlü KİV-lər Müdafiə Nazirliyinin Maliyyə İdarəsinin rəisi Rəfael Xəlilov başda olmaqla, nazirliyin dörd yüksək vəzifəli zabitinin həbs edildiyi barədə məlumat yayıblar.
Xəlilovdan başqa, hərbi hissənin maliyyə şöbəsinin rəisi Fəzail Əliyevin, Quru Qoşunlarının Maliyyə İdarəsinin rəisi Bayram Bayramovun və nazirliyin Maliyyə İdarəsinin əməkdaşı Vüsal Əlizadənin həbs edildiyi bildirilir.
Mənbənın məlumatına görə, zabitlər ümumilikdə 10 milyon manatdan çox vəsaiti (5 milyon avro) mənimsəməkdə ittiham olunurlar. Onlara qarşı CM-in 179.4-cü (xüsusilə külli miqdarda mənimsəmə və ya israf etmə) maddəsi ilə iş açılıb.
Eyni zamanda, onların saxlanması üzrə əməliyyatın Dövlət Təhlükəsizliyi Xidməti tərəfindən həyata keçirildiyi bildirilir.
Bu qədər səs-küy yaradan iş olmasına baxmayaraq, nə Dövlət Təhlükəsizliyi Xidməti, nə Müdafiə Nazirliyi rəsmi məlumat verməyib. Bu idarələrdən şərh almaq və hətta xəbərlərin təsdiqini almaq cəhdləri nəticə verməyib.
Mətbuatda öz ünvanlarına tənqidi və mənfi materiallara qarşı çox həssas olan bu idarələr bu dəfə susmağa davam edirlər. -02D-
-
- Analitika
- 14 Fevral 2022 11:25
-
- İqtisadiyyat
- 14 Fevral 2022 12:31
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz