Açiq mənbələrdən foto.
Martın 1-də Rusiya, Azərbaycan və Ermənistan baş nazir müavinlərinin videokonfransı keçiriləcək
Moskva/01.03.21/Turan: Dağlıq Qarabağ üzrə baş nazir müavinləri səviyyəsində üçtərəfli (Rusiya, Azərbaycan, Ermənistan) işçi qrupun növbəti iclası martın 1-də videoformatda keçiriləcək. Bu barədə jurnalistlərə Rusiya hökumət başçısının müavini Aleksey Overçuk işçi qrupun üçtərəfli iclasının yekunlarına görə bildirib.
“Tərəflər işçi qrupun növbəti iclasını 2021-ci il martın 1-də videokonfrans rejimində keçirmək barədə razılıq əldə ediblər”, deyə o bildirib.
Fevralın 27-də keçirilən görüşdə tərəflər RF, Azərbaycan və Ermənistan liderləri Vladimir Putin, İlham Əliyev və Nikol Paşinyan arasında nəqliyyat və iqtisadi əlaqələr sahəsində əldə edilmiş razılaşmaların həyata keçirilməsi məsələlərini müzakirə ediblər. “İclasda Azərbaycan prezidenti, Ermənistan baş naziri və Rusiya prezidentinin 9 noyabr 2020-ci il tarixli bəyanatının 9-cu bəndinin, habelə 11 yanvar 2021-ci il tarixli bəyanatın 2, 3, 4-cü bəndlərinin həyata keçirilməsindən irəli gələn birgə işin əsas istiqamətləri nəzərdən keçirilib.
Tərəflər ekspert alt qruplarının dəmir yolu, avtomobil nəqliyyatı və kombinasiya edilmiş nəqliyyat vasitələri ilə daşımalarla bağlı, habelə daşımaların təmin edilməsi məsələləri, o cümlədən təhlükəsizlik, sərhəd, gömrük, sanitariya, veterinar, fitosanitar və digər nəzarət növləri ilə bağlı hesabatlarına baxıblar”, deyə TASS Overçukdan sitat gətirir.
Overçuk qeyd edib ki, işçi qrup liderlərin 11 yanvar 2021-ci il tarixli bəyanatında nəzərdə tutulmuş beynəlxalq daşımaların təşkili, yerinə yetirilməsi və təhlükəsizliyinin təmin edilməsi üçün zəruri olan nəqliyyat infrastrukturu obyektlərinin bərpası və yeni obyektlərin tikintisi ilə bağlı tədbirlərin siyahısı və həyata keçirilməsi qrafiki haqqında məruzə layihəsi üzərində işləmək barədə qərar qəbul edib. -02D-
Siyasət
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
-
Prezident İlham Əliyev İkinci Dünya Müharibəsinin veteranlarına birdəfəlik maddi yardım ödənilməsi haqqında sərəncam imzalayıb.
-
Prezident İlham Əliyev Azərbaycanın pravoslav xristian icmasını Müqəddəs Pasxa bayramı münasibətilə təbrik edib.
Rəy yaz