Bu gün Səbayel Rayon Məhkəməsinin hakimi Eldar Şamayev Prezident Administrasiyasının keçmiş işlər müdiri Akif Muradverdiyevin pul girovu müqabilində azad edilməsi barədə vəsatətini təmin etməyib.
Vəkil Fuad Ağayev Turan-a bildirib ki, məhkəmə heç bir tutarlı əsas gətirməyib.
CPM-ə görə, A.Muradverdiyevə irəli sürülən ittiham üzrə girovun məbləği 10 min manat təşkil edir.
Lakin məhkəmə imtinanı onunla əsaslandırıb ki,
A.Muradverdiev azadlıqda qalarsa, istintaqdan yayına bilər.
Eyni zamanda A.Muradverdiyevin həbsindən sonra onun barəsində heç bir istintaq hərəkəti aparılmayıb.
Qeyd edək ki, A. Muradverdiyev iyunun 20-də Moskvaya gedərkən Bakı hava limanında saxlanılıb. O, bütün nəzarət məntəqələrini keçib, təyyarəyə minərkən saxlayıblar və əl yükünü alıblar. Əl yükündən Çar Rusiyası dövrünə aid 40 ədəd qızıl pul çıxıb.
A. Muradverdiyev bildirib ki, pulları onun çantasını alarkən özləri qoyub.
O, CM-in 206.1 maddəsi (qaçaqmalçılıq) ilə ittiham olunub, 2 ay müddətinə həbs edilib. –16B06-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz