Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Bu barədə Turan-a onların vəkilləri Elçin Sadıqov və Zibeydə Sadıqova bildirib.
Onların sözlərinə görə, jurnalistlərin həbsdə saxlanılması üçün hüquqi və prosessual əsas yoxdur.
Jurnalistlər özləri bildiriblər ki, onlara qarşı cinayət işi peşə fəaliyyətlərinə görə cəzalandırılmaları məqsədilə saxtalaşdırılıb.
Müdafiə tərəfi jurnalistlərin ev dustaqlığına keçirilməsindən imtina ilə bağlı apellyasiya vermək niyyətindədir.
* Dekabrın 6-da Meydan TV-nin əməkdaşları Aynur Elgünəş, Aytac Tapdıq, Xəyalə Ağayeva, Aysel Ümidova, Natiq Cavadlı və sərbəst jurnalist Ramin Deko (Cəbrayılzadə) valyuta qaçaqmalçılığında şübhəli bilinərək saxlanılıblar. Dekabrın 8-də məhkəmə onların hamısını həbs edib.
Jurnalistlər cinayət işini peşə fəaliyyətləri ilə əlaləndirirlər. Hüquq müdafiəçiləri onları siyasi məhbus kimi tanıyıb.
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Tolum TV nəşrinin işi üzrə təqsirləndirilən şəxslər (jurnalistlər və fəallar) barəsində ibtidai istintaq başa çatmaq üzrədir. Bu barədə Rəsul Cəfərov - Demokratik Təşəbbüslər İnstitutunun Ruslan İzzətlinin vəkili bildirib.
Rəy yaz