Məhkəmə Bəxtiyar Hacıyevin vəsatətlərini təmin etməyib
Məhkəmə Bəxtiyar Hacıyevin vəsatətlərini təmin etməyib
Bakı/08.01.24/Turan: Dünən Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə hazırlıq iclası başa çatıb. İclasa hakim Əli Məmmədov sədrlik edib.
İclas zamanı müdafiə tərəfi iqtisadi cinayətlərdə –"qanunsuz sahibkarlıq", "cinayət yoluyla əldə edilmiş vəsaitlərin leqallaşdırılması", "qaçaqmalçılıq", "vergidən yayınma" və "saxta sənədlərdən istifadə" ittiham üzrə cinayət işinə xitam verilməsi barədə vəsatət qaldırıb.
Vəkil Elçin Sadıqovun sözlərinə görə, bu ittihamlar mənşəyi məlum olmayan anonim "sənədlərə" əsaslanır.
Vəkillərin daha bir vəsatəti Hacıyevin ev dustaqlığına buraxılmasıyla bağlı olub.
Sadıqov qeyd edib ki, Bəxtiyar Hacıyevin daimi yaşayış yeri var, məhkəmədən yayınmaq niyyətində deyil, ölkədən çıxışına qadağa qoyulub, təkrar cinayət törətmə ehtimalı sıfıra bərabərdir.
Hacıyev özü qeyd edib ki, məhkəmə istintaqının predmeti yalnız 221.2.2 (xuliqanlıq) və 289.1 (məhkəməyə hörmətsizlik) maddələri ola bilər ki, o bunları da qəbul etmir. Hacıyev özünü "siyasi girov" adlandırıb.
Məhkəmə, vəsatətlərin heç birini təmin etməyib, mahiyyəti üzrə dinləmələri 19 yanvara təyin edib.
9 dekabr 2022-ci ildə Bəxtiyar Hacıyev Cinayət Məcəlləsinin 221 (xuliqanlıq) və 289-cu (məhkəməyə hörmətsizlik) maddələrilə ittiham olunaraq saxlanılıb.
Həmin ilin iyulunda ona qarşı Cinayət Məcəlləsinin 192 (qanunsuz sahibkarlıq), 193-1 (cinayət yoluyla əldə edilmiş gəlirlərin leqallaşdırılması) və 206-cı (qaçaqmalçılıq) maddələrlə ittihamlar irəli sürülüb.
Noyabrın 7-də Hacıyevə qarşı Cinayət Məcəlləsinin 213.1-ci (vergidən, işsizlik, icbari tibbi və sosial sığorta üzrə sığorta ödənişlərindən yayınma) maddəsilə ittiham irəli sürülüb.
Bütün ittihamlar saxtalaşdırılıb. Bəxtiyar Hacıyev əmindir ki, həbsin və ittihamların səbəbi hakimiyyətin tənqididir. Hüquq müdafiəçiləri onu siyasi məhbus kimi tanıyıblar.- 03B06-
-
- Maliyyə
- 8 Yanvar 2024 11:27
Siyasət
-
Mayın 15-də Azərbaycanın xarici işlər naziri Ceyhun Bayramov belaruslu həmkarı Sergey Aleyniki qəbul edib. Azərbaycan Xarici İşlər Nazirliyinin məlumatında deyilir ki, tərəflər Belarus prezidentinin Azərbaycana dövlət səfərinin hazırlanmasını və regional vəziyyəti müzakirə ediblər.
-
Mayın 15-də gündüz Qarabağda, Xocalı aeroportu ərazisində Rusiya sülhməramlılarının bazasının bağlanış mərasimi başlayıb.
-
Mayın 14-də səkkiz nəfər Azərbaycan vətəndaşı, o cümlədən Suriyadakı düşərgələrdə saxlanılan beş uşaq və üç qadın vətənə repatriasiya olunub. Bu barədə bu gün Azərbaycan Xarici İşlər Nazirliyi bildirib.
-
Bakı Şəhər İcra Hakimiyyəti Demokratik Qüvvələrin Milli Şurasının mayın 19-da etiraz aksiyası keçirmək barədə müraciətinə yenidən imtina cavabı verib
Rəy yaz