Məhkəmə erməni hərbçilərin növbəti qrupunu 6 il azadlıqdan məhrum edib /YENİLƏNİB/

Bakı/22.07.21/Turan: İyulun 22-də Bakı Ağır Cinayətlər Məhkəməsi 13 nəfər erməni hərbçidən ibarət növbəti qrupun barəsində hökm çıxarıb. Onların hamısı terrorizm, sərhəddi qanunsuz keçmək və qanunsuz birləşmələrdə iştirakda təqsirli bilinib və 6 il azadlıqdan məhrum edilib.

Qeyd edək ki , bu, Azərbaycan məhkəməsi tərəfindən məhkum olunmuş erməni hərbçilərin üçüncü qrupudur.

Həmin şəxslər 2020-ci ilin dekabrında Dövlət Təhlükəsizliyi Xidməti və Azərbaycan Silahlı Qüvvələri tərəfindən xüsusi əməliyyat zamanı Hadrut ərazisində əsir götürülüb. Ümumilikdə 60-dan çox hərbçi əsir götürülüb.

Onların bəzisi Azərbaycanın azad olunmuş ərazilərində minalanmış sahələrin xəritələri ilə dəyişdirilib.-0-

*   *   *

2021 İyul 22 (Cümə axşamı) 18:06:23

Prokuror erməni hərbçilərdən ibarət növbəti qrupun 7 il azadlıqdan məhrum olunmasını xahiş edir

Bakı/22.07.21/Turan: İyulun 22-də Bakı Apellyasiya Məhkəməsinin binasında 13 erməni hərbçidən– Haykaz Ovanesyan, Varazdat Manukyan, David Stepanyan, Levan Tosunyan, Artur Baqdasaryan, Serop Avakyan, Varazdat Arutyunyan, Jora Manukyan, Qrayr Herabyan, Narek Qasparyan, Qriqor Kureqyan, Aşot Qevorkyan və Martin Aqramanyan – ibarət növbəti qrupun işi üzrə proses davam edib.

Dövlət ittihamçısı öz çıxışından onların 214.2.1, 214.2.3 (bir qrup şəxs tərəfindən törədilən terrorizm), 228.3 (qanunsuz silah əldə etmək, saxlamaq və ya daşımaq), 279.2 (müəssisələrə, idarələrə hücum) və 318.2 (Azərbaycanın dövlət sərhəddini qanunsuz keçmək) maddələrilə təqsirli bilinməsini və 7 il müddətinə azadlıqdan məhrum olunmasını istəyib. -0-