Rusiya Ermənistan-Azərbaycan sərhəddində gərginlikdən narahatdır

Москва/22.07.21/Turan:  Rusiya Azərbaycan və Ermənistan sərhəddində gərginliyin artmasının istənilən təzahürlərini narahatlıqla qarşılayır. Bu barədə cümə axşamı Rusiya  Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

"Əlbəttə, biz Azərbaycan-Ermənistan sərhəddinin ayrı-ayrı sahələrində gərginliyin artmasının istənilən təzahürünü narahatlıq hissilə qarşılayırıq. Əlbəttə, bu, regional vəziyyətə son dərəcə mənfi təsir göstərir və Azərbaycanla Ermənistan arasında dialoqun normallaşmasına imkan vermir, iki ölkənin əhalisi arasında əsassız itkilərə gətirib çıxarır", -  o deyib.

Diplomat həmçinin iki ölkənin sərhəddində erməni hərbçinin həlak olması ilə əlaqədar başsağlığı verib və münaqişə zamanı xəsarət alanların hamısının tezliklə sağalmasını arzulayıb.

O qeyd edib ki, Rusiya Ermənistanla Azərbaycan arasında sərhədlərin delimitasiyası üzrə danışıqların tezliklə başlanacağına ümid edir və yardım etməyə hazırdır. -02D-