Məhkəmə Hafiz Babalının həbs müddətini sentyabrın 20-nə qədər uzadıb
Məhkəmə Hafiz Babalının həbs müddətini sentyabrın 20-nə qədər uzadıb
İyulun 9-da Bakının Xətai Rayon Məhkəməsi istintaqın "Abzas Media-nın işi" üzrə həbs olunmuş araşdırmaçı jurnalist Hafiz Babalının həbs müddətinin 2 ay 7 gün - sentyabrın 20-nə qədər uzadılması haqqında təqdimatını təmin edib, bu barədə Turan-a onun vəkili Rəsul Cəfərov bildirib.
İclasda müdafiə tərəfi Babalının həbsdə saxlanılmasının əsassız olduğunu bildirib və qətimkan tədbirinin ev dustaqlığı ilə əvəz olunması haqqında əks vəsatət təqdim edib.
Jurnalist özü qaçaqmalçılıq ittihamlarını təkzib edib, ona qarşı cinayət işini jurnalistika ilə əlaqələndirib və məhkəmənin diqqətini səhhətindəki problemlərə çəkib.g
Babalı gözdən üçüncü qrup əlildir. Bundan başqa, o, aşağı ətrafların venalarının varikoz genişlənməsindən əziyyət çəkir.
Bununla belə, məhkəmə müdafiə tərəfin vəsatətlərini təmin etməyib və jurnalistin həbs müddətini uzadıb.
Cəfərov qeyd edib ki, müdafiə tərəfi elə bu gün məhkəmənin qərarından apellyasiya şikayəti verəcək.
* 2023-cü ilin noyabr və 2024-cü ilin yanvar ayında Abzas Media ilə əlaqəsi olan altı jurnalist və mətbuat işçisi "qaçaqmalçılıq, qabaqcadan əlbir olan bir qrup şəxs tərəfindən törədildikdə" ittihamı ilə həbs olunub.
Aprel ayında bu iş üzrə meclis.info saytının rəhbəri İmran Əliyev və Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli də həbs olunub. Sonradan onların işləri ayrıca icraata ayrılıb.
İyunun 1-də Abzas Media-nın işi üzrə iqtisadçı Fərid Mehralızadə də həbs olunub.
Həbs olunanlar özlərini təqsirli bilmirlər. Hüquq müdafiəçiləri onları siyasi məhbus kimi tanıyıb. Beynəlxalq təşkilatlar həbs olunan şəxsləri azad etməyə çağırıb.
-
- Dünyada
- 9 İyul 2024 14:32
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz