Məhkəmə sayt rəhbərlərini 8 il müddətinə azadlıqdan məhrum edib

Yanvarın 22-də Gəncə Ağır Cinayətlər Məhkəməsində dunyaninsesi.az saytının təsisçisi Ərşad İbrahimov hədə-qorxu yolu ilə tələb etməkdə təqsirli bilinərək 8 il müddətinə azadlıqdan məhrum edilib.

Yaxınları hesab edirlər ki, İbrahimov polisin qanunsuz hərəkətləri haqqında nəşrlərinə görə cəzalandırılıb. O, bu materialları silməkdən imtina etdikdən sonra həbs olunub.

Vəkil Zabil Qəhrəmanov da İbrahimovun ittiham olunduğu cinayətləri törətmədiyini bildirib.

"Məhkəmədə zərərçəkmiş kimi tanınan şəxslər İbrahimova qarşı heç bir iddialarının olmadığını bildiriblər. Onlar DİN-in Mütəşəkkil Cinayətkarlığa qarşı Mübarizə İdarəsinə gətirildiklərini və İbrahimovdan şikayət yazmağa məcbur edildiklərini deyiblər.

Hökmdən apellyasiya məhkəməsinə şikayət veriləcək", deyə Qəhrəmanov bildirib.

İbrahimov 2023-cü ilin dekabrında saxlanılıb. Ona qarşı Azərbaycan CM-in 282.2.2-ci (hədə-qorxu ilə tələb etmə, dəfələrlə törədildikdə) maddəsi ilə ittiham irəli sürülüb.

Öz növbəsində, DİN-dən İbrahimovun "çoxsaylı şikayətlər" əsasında saxlanıldığını bildirilib.