![Mehriban Əliyeva tarixi binanın taleyi haqqında müraciətə reaksiya verib](https://turan.az/resized/media/2019/main/050800018776-750-500-resize.webp)
Mehriban Əliyeva tarixi binanın taleyi haqqında müraciətə reaksiya verib
Bakı/08.05.19/Turan: Birinci vitse-prezident Mehriban Əliyeva Bakının mərkəzində sökülmə təhlükəsi yaranmış tarixi bina ilə bağlı vəziyyətə münasibət bildirib.
"Azərbaycanın və onun paytaxtı Bakının memarlıq və tarixi irsinin qorunub saxlanılması hər birimiz üçün prioritet məsələdir", deyə birinci vitse-prezident Mehriban Əliyeva dünən axşam öz İnstagram səhifəsində bildirib.
" Onun həlli üçün həm vətəndaş mövqeyi, həm insanların öz doğma şəhərinin simasına biganə yanaşmaması, həm də fəal ictimai nəzarət gərəkdir. Bakının Süleyman Rüstəm küçəsindəki qədim bina ətrafında yaranmış vəziyyət dövlətin nəzarəti altındadır. Ölkəmizin mədəni irsinə xələl gətirilməməsi üçün bütün lazımi tədbirlər görülür, axı unikal və müxtəlif memarlıq abidələri bizim ümumi sərvətimizdir. Ölkəmizi, şəhərimizi doğma evimiz - ümumi evimiz kimi qorumalıyıq!", deyə bəyanatda bildirilir.
* Söhbət Süleyman Rüstəm küçəsi 10 ünvanında yerləşən, 1913-cü ildə molokanlar üçün ibadət evi kimi tikilmiş binadan gedir. Sovet dövründə bu binadan Radio Evi kimi istifadə olunub. Son illər bina tərk edilib və boş qalıb. Bu ilin əvvəlində Salaam Sinema təşkilatından kino həvəskarları icarə əsasında ondan istifadə etməyə başlayıblar. Amma iki gün əvvəl polis və bina mülkiyyətçisi gənc fəalları binadan zorla çıxarmağa çalışıb. Onların binanın sökülməsinə qarşı etirazları, habelə ictimaiyyətin dəstəyi hakimiyyəti müdaxilə etməyə və köçürülmə prosesini dayandırmağa vadar edib. Binanı qorumaq üçün gənclər gecə-gündüz növbə çəkiblər. -06D-
-
- Cəmiyyət
- 8 May 2019 11:21
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz