• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(2 saat əvvəl)
  • Ana səhifə
  • Siyasət
  • M.Əliyevanın namizədliyinin irəli sürülməsi marginalların özfəaliyyətidir, yoxsa düşünülmüş addım?
M.Əliyevanın namizədliyinin irəli sürülməsi marginalların özfəaliyyətidir, yoxsa düşünülmüş addım?
A- A A+
RU
Turan İnformasiya Agentliyi
Turan İnformasiya Agentliyi

M.Əliyevanın namizədliyinin irəli sürülməsi marginalların özfəaliyyətidir, yoxsa düşünülmüş addım?

“Azərbaycan Demokratik Dünyası” partiyasının Mehriban Əliyevanın prezidentliyə namizədiyinin irəli sürülməsi haqqında məlumat yaymasından iki gün keçsə də, ölkə hakimiyyəti bununla bağlı heç bir şərh vermir. Nə “birinci ledinin” protokol şöbəsinin olduğu Prezident Administrasiyası, nə onun deputatı olduğu parlament, nə Heydər Əliyev Fondu məlumatları şərh etmir.

 
    Yeri gəlmişkən, M.Əliyevanın bu yaxınlarda sədr müavini olduğu “Yeni Azərbaycan” partiyasından da rəsmi şərh yoxdur. Doğrudur, onun ayrı-ayrı funksionerləri bunu “təxribat” kimi qiymətləndirərək, YAP-ın namizədinin İlham Əliyev olduğunu xatırladıblar.
 
    Hakimətyönlü KİV də “mövzunu” görməzdən gəlir. Onların bəziləri “Azərbaycan Demokratik Dünyası” partiyasının digər qolunun M.Əliyevanın “partiyadan qovulmuş” bir qrup şəxs tərəfindən irəli sürüldüyü haqqında şərhini yaymaqla kifayətlənib.
 
    Rəsmi informasiyanın olmaması fonunda bir çox müşahidəçilər fərziyyələr arasında qalır: M.Əliyevanın namizədliyinin irəli sürülməsi “özfəaliyyətdir”, yoxsa düşünülmüş addım?
 
    “Şərq-Qərb” araşdırmalar Mərkəzinin rəhbəri Ərəstun Oruclu ikinci nöqteyi-nəzəri dəstəkləyir. Ölkədə KİV-də M.Əliyevanın şəxsiyyətinin müzakirə olunmasına gizli qadağa mövcuddur, buna görə, çətin ki, kimsə belə bir “özfəaliyyət” nümayiş etdirə bilsin.
 
    O, M.Əliyevanın namizədliyinin hətta bu şəkildə irəli sürülməsi təşəbbüsünün ictimai fikrin öyrənilməsi məqsədilə atılmış siyasi-texnoloji addım ola bilər. Bu, hakimiyyətin “ehtiyat namizədi” variantı da ola bilər, Oruclu belə hesab edir.
 
    Politoloq Zərdüşt Əlizadə bu hadisəni birmənalı olaraq şərh etməyə çətinlik çəkib. Ola bilər ki, bu, 2018-ci ildə növbəti prezident seçkiləri hədəf alınmaqla, ictimai fikrin ölçülməsidir. Lakin o, bunun hazırki seçkilərlə bağlı siyasi-texnoloji addım ola biləcəyini də istisna etmir.
    Lakin müşahidəçilərin belə bir fikri var ki, M.Əliyevanın namizədliyinin irəli sürülməsi təşəbbüsü müxalifəti və beynəlxalq ictimaiyyəti çaşdırmaq məqsədi ilə atılmış düşünülmüş addımdır.
 
    KİV-də bu mövzunun fəal müzakirəsi M.Əliyevanın hazırda Prezident Administrasiyasının rəhbəri Ramiz Mehdiyevin malik olduğu dövlətdə ikinci şəxs statusunun formalaşmasına şərait yaradacaq. -06В-

Rəy yaz

Siyasət

Bizi sosial şəbəkələrdə izləyin

Xəbər lenti