Photo: TURAN.az
Bakı/13.02.19/Turan: Həbsdən azad edilən Məmməd İbrahim Turan agentliyinə bildirib ki, siyasi fəaliyyətini davam etdirəcək.
"Mən AXCP-nin tərkibində siyasi fəaliyyətimi davam etdirəcəyəm. Daha çox və kəskin tənqid edəcəyəm (hakimiyyəti). Biz bütün siyasi məhbusların azad edilməsi uğrunda mübarizəni davam etdirəcəyik", - M.İbrahim deyib.
M.İbrahim qeyd edib ki, onun siyasi mübarizəsi Azərbaycanda demokratik dəyərlər bərqərar olana qədər davam edəcək.0-
* * *
2019 Fevral 13 (Çərşənbə) 12:09:08
Apellyasiya Məhkəməsi AXCP sədrinin müşavirini azad edib
Bakı/13.02.19/Turan: AXCP sədrinin müşaviri Məmməd İbrahim bu gün məhkəmə zalından azadlığa buraxılıb. Bu qərarı Bakı Apellyasiya Məhkəməsi qəbul edib. Məhkəmə M.İbrahimi həbsxanada qadağan olunmuş əşya saxlamaqda təqsirli bilərək həbs müddətinin 5 ay 22 gün uzadılması ilə bağlı Suraxanı Rayon Məhkəməsinin 10 yanvar 2019-cu il hökmündən verilmiş şikayəti qismən təmin edib.
Bakı Apellyasiya Məhkəməsi həbs müddətini 4 ay və 16 günədək azaldaraq onu məhkəmə zalında azad edib.
Vəkil Cavad Cavadov bildirib ki, müdafiə tərəfi bəraət verilməsinə təkid edib, lakin şikayət qismən təmin olunub.
Müdafiə tərəfi M.İbrahimin tam reabilitasiyası üçün mübarizəni davam etdirəcək.
Məmməd İbrahim 2015-ci il sentyabrın 30-da həbs edilib və xuliqanlıq ittihamı ilə 3 il müddətinə azadlıqdan məhrum olunub. Həbs müddətinin bitməsinə bir gün qalmış ona qarşı yeni ittiham irəli sürülüb. Bu dəfə həbsxanada yatağında qadağan olunmuş əşya - bıçaq tiyəsi saxlamaqda günahlandırılıb. M.İbrahim ittihamı rədd edib.
Hüquq müdafiəçiləri onu siyasi məhbus kimi tanıyıblar.-06D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz