Mətbuat-Monitorinq

19.08.14

   Rəsmi qəzetlər Azərbaycanın dünyada “sabitlik məkanı” kimi tanınması mövzusunu, Xaçmaz rayonu ərazisində Dalğalı-Nabran-Tel avtomobil yolunun çəkilməsi üçün dövlət başçısı İlham Əliyevin 1,7 milyon manat vəsait ayırması haqda sərəncamın mətnini ilk səhifədə yerləşdiriblər.

   “Azərbaycan” qəzeti əsassız həbslərə, insan haqlarına hörmətsiliyə görə beynəlxalq qurumların rəsmi Bakını tənqidlərinə cavab olaraq bu qurumları təhqirə məruz qoyan “Milli maraqlarımıza qarşı yönələn bütün cəhdlər fiaskoya uğrayır” adlı məqalə dərc edib. Elə bu qəzetdə hüquq müdafiəsçi Leyla Yunus və həbsdə olan siyasi və vicdan məhbuslarının hüquqlarını müdafiə edən Müdafiə Komitəsinin əleyhinə “Xəyanətkarları müdafiə edən komitə” məqaləsi yer alıb.

   “Azadlıq” qəzeti Azərbaycanda son həbslərdən ciddi narahat olan beynəlxalq birliyin bu həbslərə təpkilərindən rəsmi Bakının narahat olduğunu və bu etirazları neytrallaşdırmaq üçün bütün səylərini işə salmasını ilk səhifəyə çəkib.

     Həbsə alınan hüquq müdafiəçisi Rəsul Cəfərovun ad günü ilə bağlı fleş-mob keçirən AXCP Şəki rayon şöbəsinin rəhbərliyi həbsə alınıb.

     Fəaliyyətinə son verməyə məcbur olan Reportyorların Azadlığı və Təhlükəsilziyi İnstitutu bəyanat yayaraq Avropa Şurası rəhbərliyini bu quruma üzv dövlətlərin Şuranın prinsiplərinə əməl etməməsinə göz yummaqla öz nüfuzunu itirdiyini bəyan edir.

    Azərbaycanda fəaliyyət göstərən “Kolin” şirkəti rəhbərliyinin  şirkətdə çalışan Azərbaycan vətəndaşlarının haqlarını tapdaması, onlara çatası maliyyə vəsaitlərinin verilməsindən imtina etməsi nəzərə çatdırılır.

     “Ekspress”  Ermənistanın dövlət başçısı Sarkisyanın Azərbaycana raket zərbələri endirəcəyilə hədələməsinə israilli ekspertin “Sərkisyan terrorçu kimi düşünür” şərhini ilk səhifədə yerləşdirib.

      ABŞ-ın Əfqanıstandan çıxardığı texnikanı Azərbaycana satmaq istəməməsinə toxunan qəzet faktı “ABŞ-ın Bakını narazı salması” kimi dəyərləndirir.

      Bu ilki quraqlıq hava şəraiti haqda açıqlama verən alimlər bu quraqlığın qarşıdakı illərdə də öz mənfi təsirini göstərəcəyi barədə xəbərdarlıq ediblər.

     “Exo” hər il Bakı çimərliklərində  biznes fəaliyyətlərindən ədlə edilən 5 milyon manatın dövlət büdcəsinə daxil olmamasını ilk plana çıxarıb.    

    “Bizim yol”  Dövlət Əmlak Komitəsinin 413 vətəndaşın səhmlərini onlardan xəbərsiz satmasını ön səhifədə dərc edərək bunu “Əmlak Komitəsindən görünməmiş fırıldaq” kimi dəyərləndirir.

    Ölkədə “taxıl böhranı”nın yaşanmasına diqqət çəkən qəzet ekspertlərə istinadən un, çörək, ət, süd və s. məhsullarının bahalaşacağı, ümumilikdə isə qiymətlərin qalxacağı barədə xəbərdarlıq edir.

   “Yeni Müsavat”  ölkənin iri marketlərində “Coca-Cola”, “Fanta”, “Sprite” işçilərinin satışına qadağa qoyulması haqda xəbəri ilk plana çəkib.

    Qəzetin yazdığına görə, “Binə” Ticarət Mərkəzinin sahibi Kəbirə Məmmədovanın biznes üzrə Dato ləqəbli erməni şəriki var və bu şəxs Moskvada fəaliyyət göstərir.

   Müasir Azərbaycan futbolunun tanınan isimlərindən Əfran İsmayılov iş adamı Hafiz Məmmədova məxsus “Bank of Azərbaycan”da saxladığı 400 min dollar pulun yoxa çıxdığını bildirib.

   Oğulları Sirac və Fərəc Kərimlilərlə həbsdə görüşən ata Raqif Kərimov oğlanlarının fiziki zorakılığa məruz qaldığını söyləyib.

    Hazırda xaricdə olan Media Hüququ İnstitutunun (MHİ) rəhbəri Rəşid Hacılıya görə, quruma qarşı istər ölkə daxilində, istər xaricdə aparılan qaralama kampaniyası donorların itirilməsinə səbəb olub.