Mətbuat şurasının üzvü saxta sənədlər satdığına görə həbs edilib
Bakı/16.04.20/Turan: Binəqədi qəsəbə bələdiyyəsinin sədri Niyaz Niftiyev həbs olunub. Bu barədə Daxili İşlər Nazirliyi və Baş Prokurorluq məlumat yayıb.
N.Niftiyev rəhbərlik etdiyi qurumun Bələdiyyə gəlirlərinin və yerli vergilər şöbəsinin rəisi Sahib Abışovla birlikdə tutulub. Onlar xüsusi karantin rejimində sərbəst hərəkət etmək imkanı əldə etmək istəyənlərə saxta arayışlar verməkdə ittiham olunur. İddiaya görə, bələdiyyə sədri və şöbə rəisi birlikdə 431 nəfərə saxta arayış satıblar. Arayışlarda həmin adamların qəsəbə ərazisində meyvə-tərəvəz və başqa yeyinti məhsullarının satışıyla məşğul olduqları yazılıb.
Rəsmi məlumatda qeyd olunur ki, adları çəkilən şəxslər növbəti dəfə belə arayışları satanda yaxalanıblar. Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi arayış satışı barədə daxil olan məlumat əsasında bələdiyyənin binasında əməliyyat keçirib. Bələdiyyə sədrinin tutulması barədə rəsmi məlumata onun xidməti otağında aparılmış əməliyyat çəkilişi də əlavə olunub.
Faktla bağlı Cinayət Məcəlləsinin 320.1-ci (rəsmi sənədləri, blankları saxtalaşdırma, qanunsuz hazırlama) və 139-1.1-ci (epidemiya əleyhinə və karantin rejimlərinin pozulması) maddələrilə cinayət işi başlanıb. İstintaq araşdırmaları da da Baş Mütəşəkkil Cinayətkarlıqla Mübarizə İdarəsində aparılır.
Qeyd edək ki, Niftiyev Mətbuat şurası idarə heyyətinin üzvüdür. Prezidentin sabiq köməkşisi Əli Həsənovun komandasının üzvü hesab edilən Niftiyev “Azadinform” informasiya agentliyinin baş redaktoru olub. O, “Azərbaycan milli mətbuatının inkişafındakı xidmətlərinə görə” “Tərəqqi” medalı ilə təltif olunub.—0--
-
- Kənd təsərrüfatı
- 16 Aprel 2020 19:15
-
- Foto sessiyalar
- 16 Aprel 2020 19:40
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz