![Açiq mənbələrdən foto.](https://turan.az/resized/media/2021/main/052800033466-750-500-resize.webp)
Açiq mənbələrdən foto.
Milli Strateji Düşüncə Mərkəzi 907-ci düzəlişin tam ləğvi üçün kampaniyaya başlamağa çağırıb
Bakı/28.05.21/Turan: Milli Strateji Düşüncə Mərkəzi siyasi partiyalara, ictimai birliklərə və bütövlükdə Azərbaycan cəmiyyətinə müraciət edərək, Azadlığa Dəstək Aktına 907-ci düzəlişin ləgv edilməsi ilə əlaqədar kampaniyaya başlamagı təklif edib.
Azərbaycana münasibətdə ayrı-seçkiliyə səbəb olan bu qanun ABŞ Konqresi tərəfindən 1992-ci ildə qəbul edilib və Ermənistanın və Dağlıq Qarabağın “blokadada” qalması ilə əlaqədar Amerika hökumətinin Azərbaycana birbaşa dövlət yardımı göstərməsini qadağan edir.
Milli Strateji Düşüncə Mərkəzinin iclasında Zəngəzur dəhlizinin və Ermənistanın siyasi dairələrinin və erməni diasporasının bu nəqliyyat layihəsi ətrafında spekulyasiyalarının müzakirəsindən sonra bu düzəlişin ləğvi üçün kampaniyaya başlamaq ideyası təqdir edilib.
Onillər boyunca Ermənistan bütün dünyaya Azərbaycan və Türkiyənin blokadasında qalmasından şikayət edib və sərhədlərin açılmasını və ona çıxış verilməsini tələb edib. İndi isə bu “blokadanın” aradan qaldırılması üzrə real addımları boykot edir.
Milli Strateji Düşüncə Mərkəzi bununla əlaqədar qeyd edir ki, erməni lobbisinin təşəbbüsü ilə ABŞ Konqresi tərəfindən qəbul edilmiş 907-ci düzəlişin indiki mərhələdə qüvvədə saxlanması tamamilə absurddur.
Bu səbəbdən Mərkəz ölkə ictimaiyyətini birləşməyə və Azadlığa Dəstək Aktına 907-ci düzəlişin tam ləğvi üzrə kampaniyaya başlamağa çağırır.
Milli Strateji Düşüncə Mərkəzi 2014-cü ildə Müsavat Partiyasının keçmiş başqanı, parlamentin eks-spikeri İsa Qəmbərin rəhbərliyi altında yaradılıb. -06D-
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz