Milli Şura rəhbərliyi Qərb diplomatları ilə işgüzar görüş keçirib
Ölkənin etiraz elektoratının birliyi olan Milli Şuranın (MŞ) rəhbərliyi çərşənbə günü ölkədəki diplomatik korpus təmsilçilərilə görüş keçirib. Bu haqda Turan-a MŞ-nın icra aparatının rəhbəri Eldar Namazov bildirib.
Görüşə Avropa Birliyi ölkələrinin, Türkiyə və ATƏT-in Bakı səfirliklərinin siyasi sahəyə məsul diplomatları qatılıblar. Görüş işgüzar nahar formatında keçirilib. MŞ-nın son sessiyasında qəbul edilən qərarlar və qurumun seçki sahəsində fəaliyyət planları diqqət mərkəzində olub. Milli Şuranın prezidentliyə namizədi Cəmil Həsənli qurumun fəaliyyəti, seçki strategiyası ilə bağlı diplomatların çoxsaylı suallarını cavablandırıb.
Görüşdə prezidentliyə namizəd C.Həsənli, Müsavat Partiyasının başqanı İsa Qəmbər, Xalq Cəbhəsi Partiyasının sədri Əli Kərimli və MŞ-nın icra aparatının rəhbəri Eldar Namazov iştirak ediblər. -05B-
-
- İqtisadiyyat
- 28 Avqust 2013 17:15
-
- İqtisadiyyat
- 28 Avqust 2013 17:28
Siyasət
-
Sentyabrın 18-də Azərbaycanın xarici işlər naziri Ceyhun Bayramovla Azərbaycanda səfərdə olan ABŞ dövlət katibinin Avropa və Avrasiya məsələləri üzrə köməkçisinin müavini Coşua Hakın görüşü olub.
-
18 beynəlxalq insan hüquqları təşkilatı Avropa Şurasının yeni baş katibi Alen Berseyə məktub ünvanlayaraq Azərbaycanda insan hüquqlarının vəziyyəti, jurnalist və fəalların kütləvi həbsinə diqqət çəkiblər.
-
Bu gün şeyxülislam Allahşükür Paşazadə Moskvaya gedir. O, sentyabrın 21-də keçiriləcək “Sülh yolu: dialoq harmoniyalı birgəyaşayışın əsası kimi” mövzusunda XX Beynəlxalq Müsəlman Forumunda iştirak edəcək.
-
İqtisadçı, İstanbul Universitetinin doktorantı Fazil Qasımov 97 gündür ki, Penitensiar Xidmətin müalicə müəssisəsində aclıq edir. Sentyabrın 17-də Beynəlxalq Qırmızı Xaç Komitəsinin Bakı nümayəndəliyinin əməkdaşları ona baş çəkiblər.
Rəy yaz