Cümə axşamı Müsavat Partiyasının ofisində Milli Şuraya daxil olan partiya liderləri və komissiya sədrlərinin toplantısı keçirilib.
Toplantıya Milli Şuranın prezidentliyə keçmiş namizədi, tarixçi-professor Cəmil Həsənli sədrlik edib. Toplantıda qurumun daha səmərəli fəaliyyət göstərməsi üçün struktur dəyişiklikləri aparılması və təkmilləşdirilməsi yönündə müzakirələr keçirilib.
Bundan əlavə, postseçki dövründə qurumun fəaliyyət istiqamətləri haqda fikir mübadiləsi də yer alıb. Seçkinin nəticələrilə razılaşmayan qurum üzvləri bu yöndə mübarizənin davam etməsi üçün tədbirlər hazırlanması ilə bağlı fikirlərini bildiriblər.
Bu ilki prezident seçkilərində hakimiyyətə real siyasi alternativ olan Demokratik Qüvvələrin Milli Şurası 2013-cü ilin iyununda təsis edilib. Tanınmış yazıçı Rüstəm İbrahimbəyov qurmun sədri seçilib.
Tarixçi-professor Cəmil Həsənli prezident serçkilərinə quruma daxil olan ictimai-siyasi qüvvələrin vahid namizədi kimi qatılıb. -0-
Siyasət
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz