![Milli Şura: Ukrayna inqilabı Azərbaycan istibdadına dərsdir](https://turan.az/resized/750/500/resize/media/2014/main/022400070300.jpg)
Milli Şura: Ukrayna inqilabı Azərbaycan istibdadına dərsdir
Demokratik Qüvvələrin Milli Şurası (DQMŞ) Ukrayna xalqının demokratikləşmə mübarizəsinə dəstək ifadə edən bəyanat yayıb.
Bu mübarizə dövü sənəddə “Ukrayna dövləti və xalqının son dörd ay ərzində tarixinin ən çətin və ən şərəfli mərhələlərindən birini yaşaması” kimi dəyərləndirilir. Ukrayna iqtidarı Avropa Birliyi ilə Assosiasiya və Azad Ticarət Sazişi imzalamamaqla avrointeqrasiya yönü götürən Ukrayna xalqının ən xoş niyyət və ümidlərini hakimiyyət maraqlarına qurban verməkdə ittiham olunur. Xaqlın demokratikləşmə uğrunda mübariəsi ukraynalıların dövlət və xalqın ali maraqlarının bir ovuc siyasi möhtəkir və mənfəətpərəstin hakimiyyət maraqlarının girovuna çevrilməsi ilə barışmaması hesab edir. “Ukrayna xalqı son bir neçə ayda çətin hava şəraitində, meydanlarda, güllə yağışı altında uşaqlı-böyüklü, qocalı-cavanlı azadlıq uğrunda mücadilə verərək, nəinki Ukrayna, dünya tarixinin ən gözəl qəhrəmanlıq salnamələrindən birini yaratdı”deyə bu mübarizəyə mövqe ifadə edilir.
Müəlliflərə görə xalq bu mübarizə ilə XXI əsrdə xalqla hesablaşmayan, korrupsiya və rüşvətə bulaşan, ölkəni feodal keçmişə sürükləyən, azad düşüncəni boğan, şəxsi və ailə maraqlarını xalqın həyati maraqlarından üstün tutan avtoritar rejimlərə heç vaxt unutmayacağı dərs verdi. “Biz Ukraynanın azadlığı və xoşbəxt gələcəyi uğrunda canlarını qurban vermiş ukraynalıları Azadlıq Şəhidləri hesab edir, onların ruhu qarşısında baş əyirik”-deyə sənəddə qeyd olunur. Həm də bu azadlıq şəhidlərinin öz qanları ilə səpdiyi demokratiya və azadlıq toxumlarının cücərəcək xoşbəxtlik arzusunda olan bütün xalqların, o cümlədən, Azərbaycan xalqının mübarizəsinə öz töhfəsini verəcəyinə inam ifadə edilir.
DQMŞ Ukrayna xalqını avtoritarizm üzərində qələbə münasibətilə təbrik edir, Ukrayna xalqının gerçək istək və arzularını ifadə edən demokratik qüvvələrə yeni dövlət quruculuğu sahəsində böyük uğurlar arzulayır.-06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz